靚相

在網上找到了這一個很Clean，很舒服的作品，很正點。拿回小車後我亦要炮製一幅。等著焦吧。

很久沒影相了 ~

做左蠢仔啦 !!!

做咩要Schedule 5:30 做Server Maintenance ??? 咁咪即係要留到6點先走得囉 !!! 做左蠢仔啦 !!!

短d短d再短d ~~

史無前例的短呀 !!!

黃金俠

期待而久的超合金魂 - 黃金俠終於到手啦 ! 實物的質數，造型都沒有令我失望，而且份量十足添 ! 總算沒有辜負我的期望 :D



























烏蠅都嚇死 ~ 貓兒都嚇死 ~
周身機關了不起 ~
是用純正黃金來造你 ~
自動變戰士 ~ YEAH !!!

八月六日 (雨)

不知怎麼的這兩天的天氣又凍起了來，冬天還沒有過吧? 說起來，發覺自己比以前怕冷了很多，衣服也比以前穿多了很多; 難道真的是老了? :P

昨天早上起來，"剷醒琳琳"，連早餐還沒有吃便一起到了AA弄她的License Renewal。幸好人不算多，很快便完成了手續。到開那頭，當然順道到Dave那兒看看小車Min的近況; 車身大部份的Rust都Fix了，眼看應該是還差 Boot 入面的要造。車頂，車門，Bonnet等都上了Prime Coat，看真其實Dave的工夫都算不錯，不過還是要看看最終完成後的效果才可作定奪。

Lunch到了Mt Wellington的Oporto。其實本身到那兒是想到Harvey Norman看看鏡頭的(看看...買...看看...買...)，但當在Display架前被Ignore了20分鐘後，決定離開。Dun want my business，fine。當然，一向"不到黃河心不死"的我，結果也是走到了City的Camera Shop啦:P略略地試了兩支心儀已久的鏡 - Canon EF 17-40mm 4L USM and EF-S 10-22mm F.3.5-4.5 USM。第一次用L鏡的感覺沒有想像中般震撼，不過我相信是因為不是自己機自己鏡的關係，不能影得放一點 。不過說回話來L鏡又真的是很有質感，而操作亦很暢順，無論是我支Kit Lens或是支Tamron都是無得比的; 果真是一分錢一分貨 ! 雖然只是一個短短的測試，但已經知道支17-40mm 4L用在350D上是不夠Wide的，所以應該不會考慮的了。而支 11-22mm感覺良好，很快很靜，但在10mm時的影像變形好像有點嚴重? 我想還是要再試一下Tokina的12-24mm，給它兩個比較比較一下。Anyway，此Trip真的是獲益良多，無論在網上看多少Review好，都不及自己親身試驗下 :)

在風大雨大的情況下，下晝我們就回了家繼續完成個日本旅遊Blog。哈哈，最近我兩都很有勁呢，而且琳琳更首先完成了她負責那幾天的行程 ! 我也要再加把勁去完成剩下的一天，然後Revise，Revise再Revise。其實有陣時我覺得，在做這些旅遊Research的同時，這個旅行好像已經開始了似的 !!! 很有趣的感覺 :)

晚上約了EE的一眾好友晚餐，那家叫"娘野"(??)的馬來西亞餐館食物味道很不錯呢 ~ 有機會一定會再回去試試它的招牌菜。或者選那兒為下次兩家人吃飯的地點 ?

之後大夥兒到了Pakuranga打Pool; 哈，很久沒有督波了，技術生疏了很多呢。看見個個都很開心呢，都各自忙於自己的事情。昨晚最深刻的莫過於是Gary的活力了，見他整晚跑來跑去，精力無限的!果真是後生可畏:D 耐不耐和一班好友出來聚聚，感覺真的很好呢 ~

回到家我們還看了黑社會2才訓覺覺，原來昨天都很Full On 呢 ~

哈，琳琳剛起身了(Finally);我也要裝身了，之後還要去飲茶，Hair Cut ... 可惡，外面又是冷冷的雨天。

永遠的等待

究竟我幾時先可以接小車返屋企呀?

















由UK Ebay買回來的 Wing Badge，很有型的說 。

軟硬天師

事隔多年，軟硬兩個終於再次走埋一齊開Show ~ 襯住個勢當然出返隻Album啦 !


個CD Cover真係好搞笑(or嘔心???)，完全軟硬Feel。至於入面的歌，算是不過不失啦，比起以前現代化一點咁囉。不過還是比較喜歡阿Jan隻三字頭Album多一些。講開又講，記得我細個時是比較喜歡阿葛多一點的，因為覺得他比阿Jan搞笑 ~ 但近年來卻完全偏向了阿Jan。說真的，很多時在電台聽到阿葛的節目，覺得他咁多年都無進步過呢 ~ 在阿Jan不斷"與時並咀"的同時，阿葛好像仍然是停留在九十年代初的時期呢。

好歌 ~

近期一首我覺得很好聽的歌，越來越喜歡劉浩龍了 ~

記得 - 劉浩龍

你有說過　我要記得以後
誰人才是女友　玩樂時候別要太自由
我答應過　我會記得回去
如常熱愛工作　然而別妨礙牽手

＊應該記得　記得記得陪住你
　應該記得記得　記得非常時期
　守著承諾直到滿足你　?服你別要分離
　
　應該記得　記得記得留住你
　應該記得記得　其實?好了　和你
　一起選婚戒　迎娶你　沒需要失諸交臂(或可使你)＊

你告訴我　我要記得留意
無言是個警告　再晚些維繫不到

Repeat (＊)

明白我尚記得　甜蜜時盟誓　其實從未背棄
就算暫時　是冷靜期　輸不起你　

我應該記得　記得記得陪住你
應該記得記得　記得非常時期
守著承諾直到滿足你　說服你別再生氣

應該記得　記得記得攔住你
應該記得記得　其實說好了和你
一起選婚戒　迎娶你 或者會安撫　到你

而家記得，又有甚麼用呢?一切都太遲了...早知結果，何必當初呢 ?

旅遊Blog ~ 開幕 ~

http://hk.myblog.yahoo.com/ericsonandwinnie-japan06

很興奮呢 ~

今天在公司清閒得要命，於是便襯機上網收集日本旅行的資料。基本上呢11日10夜的大概行程都定了下來，當然還有很多細節要去跟進，給琳琳過目之後就要Book Hotel，買JR Pass 等 ... 不過一但有了大概的行程，一切也會變得易辦事很多 ~ 剩下的只是怎去 Optimise 個Trip 和拼命四出尋找一些Bargain Deal ~ 不過話時話，日本的住宿和交通費都很貴呢 ~ 但唔緊要啦，Once for life :)

正如琳琳所講...真的很興奮呀 !!!

意甲假波案判決 !

The Calciopoli verdicts were finally delivered this evening, here’s a brief rundown of all the sentences handed out.

Juventus:
Demoted to last place in 2004-05 season and stripped of that season’s title. Their 2005-06 Serie A title win has also been wiped out. They will start next season in Serie B with 30 point deduction. Former directors Luciano Moggi and Antonio Giraudo banned from football for five years.

Fiorentina:
Relegated to Serie B with 12-point penalty for 2006-07. President Andrea Della Valle banned for three years and six months. His brother Diego, the club’s honorary President, suspended for four years.

Lazio:
Relegated to Serie B with seven-point penalty for 2006-07. President Claudio Lotito banned for three years.

Milan:
They stay in Serie A, but will start next season with a 15-point deduction. They are deducted 44 points from last season’s point tally which means they have not qualified for the Champions League. Vice-President Adriano Galliani banned for a year. Rossoneri official Leonardo Meani suspended for three years and six months.

呢幾隊野真係對唔住班球迷 ! 被重罰簡直真係活該 ! 抵 X 死 !

個裁判結果大快人心呀 !

可憐的攬枕

女人的復仇心真的不可惹少 ... 可憐的攬枕啊 ~~~

簡簡單單

琳琳去了扮靚(唔知新髮型會係點呢?)，而我就走左去放血 :P


發覺自己有時真係需要用 Shopping 去平衡一下自己，雖然買的每每可能都是一些無無謂謂瑣瑣碎碎的東西，但過程中卻能夠瞬間中將我從生活壓力中解放出來 ~ 我諗這是我用來解壓的一方式罷 ! 在能力範圍內，我都會盡量獎勵下自己的 ;) 正所為Work Hard Play Hard 嘛 ~ 哈哈，後者認同，前者就...Hee Hee :P

Anyway，今日大出血地一次過買了兩隻NDS Game : Brain Training 同埋 New Super Mario Bros. 部NDS被打入冷宮幾個月後終於重見天日了 !!! (但我真的沒有勇氣開Nintendog 看一看小狗了...)。剛剛玩了一陣孖寶，哈哈， 真的很好玩 !!!完全覺得自己就好似回到小時候一樣; 一個十字加兩粒制，簡單的畫面再加上經典的音樂; 感覺很原始，但卻很直接，很爽快 - 一種久違了的感覺。昨天和阿邦在MSN chat了一陣，講下講下話題去了打機，我們都一置認為還是以前的Game好玩好多呢 ~ 哈哈，真的很懷念小時和邦，樑到機舖打那隻Micheal Jason Game 呢 :D

至於隻 Brain Training，係琳琳首先有興趣的，話說日日打下呢隻Game，會Train Up Brain Power 呢 ~ 哈，就即管睇下佢可唔可以令到蠢蠢的我變到和常人一樣啦 ! 弊 ...咁奸奸的琳琳咪會越來越奸 ??? 她已急不及待的去Train Up Brain Cells 了 ! 好驚呀 !

其實，很多時就算遊戲沒有華麗的CG Intro，沒有強勁的3D，就算只是簡簡單單，都可以好好玩的。我開始期待 Nintendo Wii 的來臨。

心痛

真的很懷念Euro96的England,踢得進取, 亦打得拼搏...在四強被Germany KO出局後，我傷心得差點哭出來。有Gazza的England足球，是最漂亮的。

98 World Cup，8 強被Argentina KO; 激戰一翻，12碼出局，真的無話可說。雖然到了今時今日，偶爾想起當天的賽果心裡也會戚戚然，但總算可以大聲高呼Rule Britannia !

到了World Cup 2002，Gerrard因傷缺席, Becks勉強帶傷上陣...在種種不利條件下仍能打進八強，作為英迷，都應該收貨。

到了今屆WCl; 感染力 ? 我真是感覺不到 ... 有的只是對球隊多年來的情意結吧 ? 這些消極保守的打法，究竟是艾力臣的指示? 還是球員有心無力的表現? 我已經看不清。因為Joga Bonito是葡萄牙文，所以不懂意思嗎? 做了英迷差不多20年, 不曾如此失望過，失望不在於成績，而是這個號稱"40年來最強"的陣容，是不應該打這種令人失望的足球。

好野 !!

Exam合格 !!! 向第二張Paper邁進 ~~~

多謝琳琳支持 ~~

六月二十一日 (晴)

完來足足兩個星期沒有打Blog了，不是沒有事情值得記錄下來(相反過去兩個星期實在過得得很精采，很實在)，只是忙得要命，實在沒有多餘的力氣去打Blog了。

終於拿了Photo Album，只可說，真的很正。攝影師和Album Designer真的應記一功。我可說會毫不猶豫的推薦他們給朋友們。哈，還記得當天親手接過那二十多寸的Portrait時，真的是百般滋味湧上心頭。

近來在公司的工作量真的增加了很多，但同樣地，亦都學到了很多。Wellington的Project總算是告一段落，哈哈，當真估唔到公司會請埋琳琳落去呢。說真的，他們待我也算是不薄了。 還是對琳琳有點歉意啦，因為忙於工作，幾天都是匆匆忙忙的，沒有好好的陪她去四處逛逛 ~ 我們的病情又嚴重了，現在不見一天也可像死去活來的 ... 另外，可能是因為冬天的緣故，我們呢排往往九點多就分分跳上床了。但在這麼凍的天氣下攬住琳琳訓，真的很爽 :D

世界杯正進行得如火如荼，都係唔講了，一講波經就停不了。

終於的起心肝將Mini送去Restore，Dave好像有點唔可靠，但呢個世界就係咁，一分錢，一分貨!就盡管看看Friday佢交到些甚麼給我。

下個Monday 有Exam，仲未認真溫過書，點算呀 ?

六四

今天是六月四日 - 六四民運的十七周年。

這十七年來，那幾位胸懷大志，滿腔愛國熱誠的學生領袖，到底在海外做過些甚麼呢?

若果當年國共真的因應你們要求而交出了政權，你們真的可以引領擁有10憶人口的國家邁向繁榮和穩定嗎 ? 我對政治一竅不通，但我對你們真的很質疑。

還是希望當年的受難者可以安息。

個炆牛腩

我有份整的 ~~~~~~

鐵証如山

很Out 呢 ~

妹妹呢排經常在看新手提電話的資訊，八掛的我當然睇埋一份啦。嘩，發覺而家d電話好貴呢!還記得以前的Top Model大多數都是三千多HKD，但而家呢個價錢只可以買些"不失禮"的中級機。實在是太可怕了!無論是電腦周邊，亦或是AV產品，甚至是相機鏡頭，都是越賣越平的...但手提電話卻是越賣越貴!:o 當走到Uni，你就會發覺很多人都掛住一部值幾千元既電話係頸，em...只可說句，而家d後生仔真富有。

P.S. 不過Nokia部N72，又係幾靚的 ~

新玩意!

哈哈，今個Weekend有很多新玩意呢 ~ 說清楚其實它們都不算是甚麼頂尖科技，只不過是對於我這個落後的屋企來說，都已經算是很不錯了 ~~ :P

新 Printer

首先，為我地服務左足足14年(無錯，是14年)的Canon BubbleJet Printer，終於退役了!!!我相信我地屋企再無其他電腦產品可以打破呢個Record，我要向它致敬!取而代之係今日下午和琳琳一起去買的HP PhotoSmart 2575。


我一向都無留意開Printer的市場/科技動向，所以當Mum叫我買部新Printer的時候，買邊一部;真的是毫無頭緒。不過對於一向以牌子掛帥的我，好快就將Target Lock左係Canon同HP (如果Sony有Printer，問題就更加易解決XDDD) 。跟住Base on $300的Budget，要係Multi-function，同埋要有LAN port 的大前題下，最終選上了這款HP All in One Printer。剛剛試Print了一張4x6 inch Photo，效果很不錯呢，比想像的要好 ~

哈哈，以後可以自己Print Photo了 ~~ Scanning 方面都很不錯~ 是時候開始將細細個時所拍的相片數碼化了(在它們退了色之前); 其實其中一個想買Multi-function Printer的原因就是想將這些寶貴的回憶保存下來 :) 整體來說我覺得這是一件價錢性能比很高的產品 ~


Sony DVD Recorder RDR-HX710


為了迎接世界杯的來臨，我和區家二小姐合資入購了這部DVD Player。目的當然係為了將整個世界杯賽程數碼化啦 :D 太好了，再不用換帶，再不用猶疑於Recording Time 和畫面質數，再見VHS。講返部機，對了，是Sony的~ 哈哈，還是中毒太深 :P 其實本身是沒有打算買有Built-in HDD的Recorder，但做了一輪Reseacrh後還是覺得有HDD做即時錄影和Time Shift比較方便。而最終個效果亦無令我地失望，用起來真的很方便呢，而影像質數亦很高，阿區二小姐更加是愛上了它。如果是250GB的那Model相信一定會更方便，但價錢實在太Beyond Budget了，還是滿足於160GB吧;) BTW，Sony新一代產品的User Interface Design得很不錯，十分滿意 :D 跟住下來，都會陸續將一些屋企人想保存的錄影帶數碼化，咁就唔怕會變舊了。 數碼科技實在是太偉大了 ~~

懶訓的羅琳琳

這個更加不是甚麼新野啦 :P 現在羅琳琳小姐還是在熟睡中，她剛剛翻一翻了身，叫了兩聲後又火速入睡了。相片在那裡?No No No，太性感了 ~~~

P.S. 看一看，原來最新一幅從我部相機影的相，個File Name已經Numbered到28xx了!唔經唔覺，我部350D的Shutter，已經開關了2800多次 ~~ Cool ~~

World Cup 2006 is just around the corner !!!!

15 days to go ! Yeah ! 各位球迷準備好了嗎 ?

琳琳，我諗妳將會成日半夜給我吵醒了 :P

5月玩具篇

好一陣子沒有買玩具了，並不是對玩具熱情減退，而是在過去個多月個推出的新產品對我來說沒有甚麼吸引力。不過卻為我的銀包慳回不少呢 :P 不過我知道這只不過是暴風雨的前夕。以下是幾個將會推出而我又期待的作品:

Transfomers MP-o3

等左咁耐，MP-03 Star Scream 的Phototype終於發表了!!!

總算是沒有令人失望啦!!!整體來說Robot和Object型態都做得很出色呢。無論是造型和比例都不比之前MP-01文仔遜色。絕對是必入之作!現在唯一擔心的只是Final Product的用料和QC問題。期待之作。我想因為有之前文仔被炒上天價的前科，今次各玩家都會搶住入貨吧。

超合金魂 - 黃金俠

它是我兒時的偶像，我心中不滅的勇者!黃金俠的超合金魂終於快要推出了，真的很興奮呢~ 細個時錯過了它，現在終於有再多一次機會給我擁有它了! 我相信其實這份情意結是多於一切的，就算可能件玩具本身的質數未必是很出眾，但也沒有所謂了! 6月其中一樣令我期待的事情，就是從信箱中收下這個永遠的偶像。

AINA - 愛娜

哈哈…是的，這是一個女Figure ! 這亦都是繼靖靖以外，第一個令我有購買慾的女Figure。我一向對女Figure都無甚興趣的 ，對一騎當千，風見老師和Seed女系列等甚至乎是有點點反感 (尤其是"一騎當千"，我真是很討厭這套漫畫，我覺得佢侮辱了中國的文化。要玩，就拿你們的織田信長，德川家康玩吧!!!)~ 但這個Figure不同…因為她是其中一個我最喜愛的Anime女角 – 愛娜 (The 08^th MS Team) ;P 其實之前也有推出過愛娜的Figure，但感覺上都比唔上這一個。我覺得呢次真係造得好靚，好全神呢 ~ em… :$ 仲好性感呢 … 不過其實仲有一個原因好吸引我的，我諗琳琳應該估到吧 ? :$ 不過我諗都唔會買架啦，因為始終對這類女Figure興趣不大 ~

未解決!!! 未解決!!! 未解決!!!

這是網上近來最Hit的話題，雖然成件事都好無聊，但無聊得來又真係好搞笑 XDDD

我諗呢位巴士阿叔無諗過會因此成名吧? 但真的很喜歡他那一句:

"呢個社會人人有壓力，你有壓力，我有壓力!"

就因為咁，呢排網上就吹起了一陣"未解決"同"有壓力"風 ~~ 巴士阿叔，你係得既!!!

明天遠遊

聽日要到Hamilton駐紮，所以今晚到了琳琳的屋企度宿一宵，真的是打攪晒了。工作上今天是平平無奇的一天, 做的都是一些散散的小Job，無甚麼大不了。

琴日終於有機會一嘗Civic Type R了，老實說，很失望。可能是我期望太高，結果失望越大。佢直路唔快;預左，話晒始終都係1600cc NA，好難話會有turbo車的暴走力量(如果唔係點樣可以見部介部XDDD)...但令我最失望的，莫過於是它的handling和路面感。我琴日無點劈部車，因為始終試緊人地部車;但當我用一個比正常快少少的speed入roundabout，佢竟然有點點兒的推頭...失望。路面感和溝通對於我來說是揀車的首要條件，所以當我跳上一部車，發覺從Steering Wheel上找不到跟路面的溝通，亦感覺不到部車的狀態時，對我來講呢部車已經是判了死刑。我唔排除是可能我試的呢一部Type R Conidtion唔好所以影響了它的表現，但正如琳琳所講，我心中的一團火已經被淋熄得七七八八。可能無試過會比較好，因為EK Type R在我心中的美麗神話已經破滅了。現在它在我心中，只不過是一部"靚車"吧了。

P.S. Lulu說得對，等VTech出的感覺，真的是比Turbo Lag更難受 XDDD

花灑

終於找到了基仔的新歌-花灑

花灑 - 古巨基

作曲:王菀之 填詞:林夕

為了要博世界讚美便苦惱　害怕永遠也做不到
忘掉了偶爾懶理　世界或會更好
期望了有這個與那個像匹布　被剪碎飛舞
盲目了兩眼　也但求要拾到

＊何必要做奴隸　無須要為失去了的執迷
　輪流涼或暖像四季　做人做過世　漫長年月有路軌
　人總想擁有東西　要是代價高　愈令心中牽繫
　擔憂要是無謂　拿花灑洗禮＊

為了要與某某愛上便希冀　為了挫折過便緊記
全為貢獻過要有報答　便有對比
全為看中過　發覺看錯便生氣　甚麼叫天理
忘掉奮鬥過　要隨緣　信命理

REPAET＊

梳化自在自在齊齊坐　拿去他都總可去站去跑　
無謂靠甚麼　何不將一切拋低　
志願大過天　亦像世上螻蟻
星星永未流逝　如只可感歎它美麗
得到也是無謂　負擔高過　天際

第一次係電台聽到就愛上了這歌，聽來感覺很舒服。希望基仔新Album快d出喇。

忙碌的一天

又是令人疲累的一天，但總算是順利，at least 把90%的task完成了;淨下的就留待Friday再落去做過吧。

琳琳剛上完堂，一陣我地食咩好呢 ?


剛發現原來那隊Cream還存在的...

http://www.creamhouse.com/cream/html/main.php

那件叫Carpo的物體，很可怕，她的面部肌肉失調症好像比之前還要嚴重了。OMG。

PS3 ... 發育了

因為唔想重滔"連Winning 出左10都唔知"的覆轍，於是在網上search下PS3的資料，幸好原來還未出。發覺最新公報的Version比上年公報的肥仔左好多，也多了很多散熱孔(之前都奇怪點解可以咁密封)，如無意外部機會幾熱，希望d風扇唔會太噪喇。個Spec都就無乜改動，但d Game改為全區碼確是令人感動。傳聞將會有兩個Version; 20Gb同60Gb版本，而價錢分別為 USD499同USD599。照Spec來說唔算話太貴，但值唔值得花600美金來買一部Game Console，卻是另一個課題了。不過Play Station呢類日常生活上的基本需要，點都不能缺少(買都係遲早問題)，唯有等班大弟炒完先入手啦。不過如果真係趕得切係十一月出，或者可以去日本時順道買埋，還掂日本唔會有炒價，Game又改左做All Zone，Yeah !!!期待在PS3上玩GT5和Winning 11。唉...看來又將會大出血了...只怪自己大唔透 :P 請問...有無3年免息分期呀? XDDD

好凍呀 !!!

首先，想同Mum講聲 : "母親節快樂!!!"

呢幾日都好凍呢!!! 凍得我邊到都唔想去，只想整天都只躲在被窩裡。不過其實都唔多關天氣凍唔凍事，因為我發覺我近來唔多喜歡出街，慢慢變得喜歡留在家裡的感覺(Fiora將我形容為退化了...)。

近排的時間都主要放晒係寫Website到(由update Blog的frequency便可見一班)，現在總算是完成了，希望琳琳和各位Visitor都滿意個Design啦 :)

好久沒有影相了，係時候再出動了，免得技術生疏呢~~~但還沒有想到甚麼題材呢~~~

很想買Civic Type-R，很希望可以在自己超齡前一嘗EK的魅力。但還是隨緣吧!

聽日又是五個工作天的開始...Yee?我好像在上個Weekend也說過同樣的說話?

Wedding Website 終於面世了!!!

After hours and hours of photoshoping, flashing and testing, our wedding website is finally completed and published online.

Following is the link to the site

http://ericsonandwinnie.com

Don't forget to sign our guestbook ;)

令人疲累的一個星期

今個星期很忙很長呢...而今日尤其更甚;整朝早在公司跑來跑去，忙了一輪看看個時間，也只不過是10 a.m....仲有幾耐先放工呀? 真係好想快d返屋企見琳琳。

Chris and Nathan 正式Resign，I.T. Team morale = 0%...又要孤身作戰了。我都想走人。

Steve剛跟我說，下個星期開始我每個星期都會有一日被放送到Hamilton。

五月七日 (晴)

Yeah !!! 我再有多三對新襪 !!! :D

Weekend又過去了...跟著來又是五個工作天...

星期天 (晴)

暫個眼又到左星期日的早上...真係快到甩luk~~~~呀!!! 點解會咁架...假使有日能忘記 ~~~~~~ 因妳 ~~~~

發完顛了，起身都差不多已經10點了，因為覺得Weekend的時間可貴，所以還是忍痛跳左落床...而此刻的琳琳還是懶洋洋的在賴床 :P

琴日都終於返去揀埋d相，我地最後還是決定多買30張Photo。我覺得Wedding Photo是一生人一次的，要我搞盡腦汁/忍痛的去犀選出30張，我倒不如把它們都買下來了。哈哈，拿了相片的original file，我倆就急急腳的跑回家去了。

我們...要結婚了。

想妳知

也許妳不會懂　從妳說愛我以後
我的天空星星都亮了

我近來的熱門歌

近排愛上了聽Stephy的"十分.愛"，起初聽覺得無乜特別，但越聽又覺得越好聽。不過略嫌歌詞太過悽厲了...

十分.愛

作曲：金培達
填詞：鄧麗欣/陳少琪
編曲：Johnny Yim
監製：金培達／Gary Chan

分手後應該擺脫　卻自覺天真
曾傷我最深的人　捉緊我心
應該漠不關心　然而還著緊
消失枕邊人　很想跟你熱吻

＃愛你要比沉淪深海　更難耐
　你沒有心給我未來　求你莫再　令我憎你還愛＃

＊早知不應試愛　便算哀　現在問問誰珍惜不再
　活該　當得到所愛　背著我犯錯　竟不散不愛
　心　未放開　原來逃避感覺越怕越存在
　愛滿分竟是換來　痛亦滿分可否錯一次以後　一直愛（痛亦滿分不想再一次意外）＊

這考驗不高深　是扣著你真心
來傷我更深的人　多麼次等
應該漠不關心　然而還著緊
消失枕邊人　很想跟你熱吻

唉，愛一個人會愛到"比沉淪深海　更難耐"，未免太可悲了吧?不過而家時下都是流行這類苦苦的情歌。至於Stephy的演繹，哈哈，都係算吧啦...而佢把聲真係越聽越"leung"呢，總是覺得怪怪的。其實合唱版也很不錯，兩個一唱一和，效果挺好的。

四月二十六日 (陰/雨)

o的假期終於過晒了，下一個Long Weekend，我都唔知會係幾時了。上個Weekend去左睇wedding photos，效果很不錯呀，以價錢來說都算是交足功課呢。哈哈，陪我地揀相的姐姐說我們都影得算很自然呢;)今個weekend會再去trim down個selection，我諗還要3,4個星期後先出到個Photo Album的hard copy呢。

終於都認認真真的去開始製作我們的Wedding Website，呢幾天/晚我兩都聚精會神地係LCD前和Flash作戰，很有在Uni做Porject的Feel呢!!!當然我都係用返我一貫的Reverse Engineering手法喇...其實我也想坐定定正正統統的去學ActionScript，但我也真的沒有時間和力氣去從Basic學起了。不過唔緊要，因為我身邊有一個可靠，而且強而有力的partner!這一個Wedding Website，只是她和我這個終生Partnership入面一個小小的Project吧了。我們要一起努力呀!: )

這個多星期來，可能妳會覺得我經常神不守捨，因為在我的腦海裡有很多問題/矛盾存在著...

工作上到底我應該去或留?
其實我究竟想做o的咩?
定係我一切也只不過是向錢看?
應該因應老豆的要求，年尾也在這邊擺幾圍嗎?
我應該買17-40mm wide angle定係70-200mm tele鏡?

加油呀 ~~~

My Love 正在試場努力作戰中!!!加油呀!!!但我相信妳一定無問題的:)

送完琳琳去試場，就係Uni閒蕩了一會...影下相咁...識了新朋友Kenneth，他得到了他想要的Gundam Models，我亦得到了我需要的金錢，讓我再一次高呼 - Trademe 萬歲。本想順道把錢存了入銀行，免得亂花，但點知行到落Queen Street才發覺那間ASB在weekend是唔開門的...#@%$!#%!!!累我白行一趟!更可惡的是，差點累我洗錢，事關Camera House就在ASB隔離嘛...幸好他們的Cannon 50mm定焦鏡無貨，如果唔係...Model-> $ -> 50mm F/1.8

還有一個鐘頭琳琳才考完試，em...我應該做甚麼好呢 ~~~

支Tamron 28-75mm 真係好Sharp呢 ~~

星期五的晚上...no...是Sat 的零晨至岩

又到我最喜愛的星期五晚上。因為琳琳明天要考試的關係，所以佢成晚都好努力咁溫習呢!而我呢，就好乖咁係佢身邊陪住佢。今晚清了我的豬仔錢箱，原來唔覺唔覺入面都有成差唔多二百大元呢!哈哈，真好:D等我又快快咁將佢養到肥肥白白先:P

終於下定決心將部份的MG Gundam模型買返出去，還掂都唔會砌，擺係到都真係有點浪費呢。哈，意想不到地在Trademe的反應不錯，係兩日內已經賣出左半數了，而且價錢也很不錯呢:D 總算可以幫補下個財赤問題(結果都係忍唔住，買左個Battery Grip比DSRL...自作孽也...)。陸續也都會有很多東西比掛牌出售呢...

剛發現HSBC的本地和外匯戶口的息口很不錯;我們決定將會轉移陣地，這也方便年尾匯錢回港。

過兩日就可以睇Wedding Photos了，很期待呢!!!希望影得靚啦!!!em...睇黎我都要加入戰陣，快快和琳琳一起弄好個新Website啦。

啊~琳琳剛宣報要訓覺了~ 今晚就係咁先啦~

終於...終於...終於...

終於...影左結婚相啦!!! :D

雖然今天天氣並算是十分好，但整天的行程還算是很順利呢!感覺良好。其中有很多很有趣是事情發生，不過而家實在是太累了，明天再講講吧!此刻的我只想抱著琳琳矇頭大睡。

剛才琳琳在看網上Forum一些其他新人的婚紗照，我看著那些照片，想起不久的將來她和我的身影亦會出現在婚紗照上...忽然覺得很感慨...我們...真的要結婚了。

點算呢...

個Project的戲玉還沒到...我已經只得返半條命...哀哉...

時日Forum 金句:

~~"玩具無限，空間與金錢有限"~~

em...一定要在有限的金錢內買最多的玩具 XDDDD 我好像把這句話的原意歪曲了?哈哈!Anyway，忠於原著，忠於自己。

要說一個會Book時間去做美容的人不貪靚，怎樣也說不通吧?

I need a break ...

還有連續9天的工作在等著我...i need a break ... but there isn't one...

頂住呀 !!! Please !!!

晴朗的天氣一定要頂到Sunday呀!!!

點解場地佈置的公司還沒回覆我????? 不想停下來呢 ...

奇怪的習慣

可能是因為Pay Day，再加上無野做的關係，所以個人比較多暇想。

發覺自己已經好久沒有買新電腦了(對上一次是我的Pentium 120MHz???)，這幾年來都是在忍無可忍的情況下，才upgrade一下。其實一直都很想可以一次過買一部全新的PC，無奈價錢實在是太貴了..我真的負擔不起。結果這些年來都是東Upgrade一些，西Ungrade一些，而買的都是產品周期末的型號。我有一個奇怪的習慣，就是每次我有衝動去買新PC的時候，我都會很有心機的把每樣Component列出來，跟著就會跑上網，search一下最update的價錢，然後逐一打在Excel的Spreadsheet。不知怎麼樣，在過程中會有一種莫明的滿足感???但有趣地...這感覺很快就會消失;多數當Spreadsheet做到一半，就會被那些價錢嚇怕，而當那個Total Cost跑了出來，就是放棄買電腦的念頭的時候。

今個下午，我又完美地將這個習慣從現了一次...以下是我呢個Moment希望的PC組合

CPU: AMD Opteron 146 2.0GHz socket 939
Price: $399

Motherbaord: Asustek A8N-SLI Premium, nForce4 SLI ATX
Price: $299

RAM: CORSAIR DUAL CHANNEL 2GB PC3200 DDR400MHZ CL3
Price: $350

Video: Albatron nVidia GeForce 6800GS PCIE 256MB DDR3
Price: $360

HDD: Seagate 200GB 7200rpm SATA
Price: $140

PSU: Enermax 500 590 Watt PSU ATX
Price: $146

Case: Coolermaster Wavemaster TAC-T01-EK Black Aluminium Case
Price: $337

Optical Drive: BENQ DW1640 16X Dual Layer DVD Writer
Price: $75

Total: $2106 ...

已經很輕手，全部也只是一些中等的貨式，完全談不上是Top End的Machine...而且還沒有包括LCD，Keyboard/Mouse同Speaker...就已經二千多元了...

都係果句，算罷啦~

三月三十日 (晴)

這兩天清閒得可憐，除了Lunch Break和昨天下午，其他時間都是呆在公司。下個星期將會有大Project，其實我很想可以早點開始，好讓自己可以不用太趕…無奈很多時候(係絕大部份時候…)都不是自己想怎樣就怎麼的，還有很多事情需要去配合。相反琳琳這幾天好像挺忙的，回e貓的速度比平日遜色了很多。

最近我們都各自沉醉於自己的新玩意中，琳琳正努力鑽研Flash，而我就得閒玩下Photoshop。昨晚她show了一個新製品給我看，很不錯呢! 很Pro和很Creative 呢 !!!新的Homepage確實叫人期待。今天是星期四，又到開壇影相的時候，但今日的Object還沒想到呢…或者是時候”的起心肝”把雙子座一圖完成? 不過還是看心情啦，始終影相這玩意是應該”隨心”的。

今天是Pay Day，Yeah !!!

過雲雨

一首收錄在軒仔最新Album <春夏秋冬>的歌。我自己覺得首歌本身優美的旋律，再加上軒仔一貫的水準演出，聽起來令人很舒適很舒適...但它的歌詞...廷sad的...

過雲雨

曲：伍仲衡
詞：伍仲衡
編：伍仲衡
監：張敬軒／伍仲衡

天空剛下了幾場雨　看街上路人不多
現在的你在做甚麼　還有沒有在想我

快樂是否曾來過　探訪我們兩個
誰都不想讓自己錯　剩下了自己一個

找到你愛的咖啡店　嘗試去感應著你
喝一杯低糖的 Latte　你還會想嘗一口

快樂是否再來過　探訪我們兩個
誰都不想讓自己錯　剩下了自己一個

春夏秋冬　有多少人會走
春夏秋冬　有多少人會留

傳聞你身邊有個他　兩個人很快樂嗎
聽說你跟他提起我　是否對我也牽掛

快樂是否也來過　探訪你們兩個
誰都不想再讓你哭　剩下你自己一個

外面的雨下得太久　我的心感覺冷漠
看到這一場過雲雨　你是否會想起我

輪到我了...

成朝就是不停的在想呢首歌...

一早起身又唔願起身
返到公司又唔想做野
對住阿姐　唔想做0黎做去　都係0個0的野
成副機器　唔想日做夜做　啤啤啤
咁點呢　0下　咁點呢 ?

越0黎越hea　唔想越0黎越pea
我係一條龍　唔係一條蛇
唔要等車　行快兩步去　搵0下自己要既野

em ... 搵0下自己要既野 ...

He He He He

妳快d過黎啦 ~~ "有人"等緊妳 :P

好耐無打機了...

突然間諗起自己都好耐無打機了...Winning 10 也都將推出，但自己卻連Winning 9都未玩得上手，哈哈，並不似我。去了幾個講Games的Website，update一下自己，但發覺呢排都無乜正Game出...不外乎只是一些大作的續集，悶得很。X盒三六零終於在NZ推出，老實說，感覺不大...或者是因為缺乏勁作?But anyway，$719的價錢也真是高得令人卻步。用7百多完來買一部Game Console，都真係幾唔捨得。Em...哈哈...不過其實...相信如果換了是Sony PS3的話，我諗我已經乖乖的跑去付錢了:P

講開捨唔捨得，我自己覺得最不可思義的，都是有些人會用幾百甚至一千完去買PC的Graphics Card來打機...因為個價錢/產品周期比...真的低得可憐...em...不過我諗，這是價值觀的問題吧。或者同一時間，正有人在另一個Blog在打著"明明用數百元就可買一部又細，又Trendy，又高Mega Pixel的DC，點解有人會花上3-4倍或以上的價錢，去買一些大牛龜相機和一支兩支的望遠鏡呢?"

可惡 ...

今日又影唔成相了...不過正如琳琳所講，之前都有少少預感會影唔成架喇 ... 不過唔緊要啦，都係延誤一個星期罷了...Well...Touch Wood!

話咁快

今個星期飛快的又就快過去了...過兩日就會再去影相，諗返一個月前為天氣唔好而Cancelled了，真係唔覺唔覺咁就一個月....

希望今個Weekend好天啦 !!!

呢幾日都要落Hamilton做一個Project，都好，可以轉換一下個工作環境。Overall成個Project都算順利，感覺尚算良好 :) 亦都因為呢個原因，呢幾日都過了琳琳屋企暫住，真係打覺晒Auntie呢 :D 哈哈，不過訓慣了琳琳張大床，琴晚再訓返自己屋企張床仔，真係有點兒不習慣呢! Seriously考慮ing to upgrade 張床呢...但...而家間房又好似Fit唔落Queen Size Bed ????

He he he he...真係越來越覺得...我有一個很貪靚的老婆仔 :P

前兩晚同左EE的朋友去Dinner，個個都好似幾好，耐無耐大家出來見見面，交換一下近況，確實不錯呢 :D 今晚再會和John同Louis去飲野，都好耐無跟他們Catch Up了 ~ 哈，講開Engine，從琳琳口中得知又有一個和我同屆的Engine人要結婚了!!!哈哈，今年真係好年呢:D 祝大家婚禮的一切事都會進行得順順利利 :)

呢個三月尾真係大出血呢...一來要影相啦，二來因為真係有好多正點玩具推出，先來要買返我自己星座的魚魚黃金聖鬥士，跟住當然唔少得文哥THS-o2啦，最後仲有隻終極冰河...今次肯定流血不止了。哈，不過出奇地，對於剛剛出的XBOX 360卻一點也提不起興趣...不過仲好...可以慳返一大筆 :D

就放工了，急不及待想見琳琳呢...

P.S. 我今日竟然得閒到係公司玩Photoshop ... 今日的 Rush Work

http://www.flickr.com/photos/ahson/117070221/

琳琳

拍拖兩周年快樂 ! 我愛妳 :$

我的玩具相簿 ~

http://www.flickr.com/photos/ahson/

Catch up day

連續忙左既日，今日應該會清閒一些...回一回氣，catch up 一下 d 濕粹野。

琳琳呢排唔舒服，很心痛呢 :(

無奈

日日跑返屋企吃Lunch，就是為了慳那一個幾毫。結果一張泊車告票，又比返晒出去。

每天慳著的去用那樽面霜。結果不小心煽一煽手，三份一支掉到了星盤。

我只好覺得，好多野都係整定的。

承你貴言 ~

今日向ConnectNZ Hamiton 的IT Engineer Robert express 了我對公司收購 Ables 的Concern ...and he replied with:

Hey Ericson,

I understand your concern, but don’t underestimate your skills … see it as a good thing as you will get to work alongside those different skill sets and be able to grow really quickly.

Rob...承你貴言啦...但還是有點擔心 ...

哈哈哈哈 ~~

由而家開始，妳要錫晒我一個，寵壞我，唔准呃我。
應承我每一件事都要做得到，對我講每一句說話亦都要係真心，
唔做得「恰」我、話我，要信晒我。
人地蝦我，妳要第一時間出0黎撐我。
我開心，妳就要「鄧」我開心；我唔開心，妳亦都要「tum」番我開心。
永遠都要覺得我最靚，發夢裡面都要見到我，o係妳心入面只有我～

quoted from "我家有一隻河東獅"

哈哈哈哈 ....我講真架 :P

很震撼 ~ 很 TOUCHing

記得在漫畫Touch入面 ...

達也：「上杉達也愛淺倉南，比誰都多。」

這句話很震撼，但卻一點也不俗氣。

很想看 Touch 的電影版... http://touch.yahoo.co.jp/
要將一個由"二十多本漫畫"cover的一個故事，濃縮成一個多小時的電影，一定很考編劇和導演的功力吧...希望唔會好似 Initial D 咁啦...

但由"亞紀"飾演淺倉南...真的很令人期待 !!!

脫變 ~

突然間想起了一個朋友，一個挺要好的朋友。他以前的感情路並不好走，受到了很多錯折，付出了但往往都得不到回報。前幾日跟他相約去了喝咖啡，談談天。沒見一排，發覺他改變了；以前那個情場傻小子，那個自名天煞孤星的人，現在已經搖身一變成一副老手的模樣；這究竟是禍是福? 我不知道，但我還是喜歡昔日那個傻傻的他。怎樣也好，希望他能找到自己想找的人，和事。

一直都好想唱呢首個歌比佢聽的，但而家唔使了 : )

葡萄成熟時

差不多冬至 一早一晚還是有雨
當初的堅持 現已令你很懷疑 很懷疑
你最尾等到 只有這枯枝

苦戀幾多次 悉心栽種全力灌注
所得竟不如 別個後輩收成時
這一次你真的很介意

但見旁人談情何引誘 問到何時葡萄先熟透
你要靜候 再靜候 就算失收 始終要守

日後 儘量別教今天的淚白流
留低 擊傷你的石頭 從錯誤裡吸收
也許 豐收 月份尚未到你也得接受
或者要到你將愛釀成醇酒 時機先至熟透

應該怎麼愛 可惜書裡從沒記載 終於摸出來
但歲月卻不回來 不回來 錯過了春天 可會再花開

一千種戀愛 一些需要情淚灌溉
枯毀的溫柔 在最後會長回來
錯的愛 乃必經的配菜

想想天的一邊 亦有個某某 在等候
一心只等葡萄熟透 嚐杯酒

別讓 寂寞害你傷得一夜白頭
仍得不需要的自由 和最耀眼傷口
我知 日後 路上或沒有更美的邂逅
但當你智慧都蘊釀成紅酒
仍可一醉自救 誰都心酸過 那個沒有

小記

仲有兩個星期多d，我地就走在一起兩年了。兩年前的今日，絕對不會想像到今天的一切。而兩年後的今天，又會不會像我現在想像中般呢?我相信一切都會向好的一方面走。

近排窮得很，不知怎樣就是有很多的小費，慢慢在腐蝕我的Personal Saving。個050 Account由一月起就停滯不前，而近排的購買慾又異常的旺盛，再加上多開了”護膚品”這條 Line ...怎麼辦呀? 真的是時候上Trademe將部分的資產套現了。

上個星期六影唔成相，我知道琳琳是很失望的。但唔緊要啦，at least 我地有得選舉係更好的一天才影，或者會有意外的收獲呢。妳唔覺得好多野都係要等到適合的時候，才發生嗎?

今個Weekend要落Christchurch…很久沒有和妳身處在不同的城市了。妳會想我嗎?

27 歲生日 ~

琳琳給我準備的生日蛋糕，很可愛啊，仲好好味添呀~~ :D

我們的合照 ~~ :D

和屋企人的合照 ~~ :D

EE Building

今天和Gary回到了Uni食Lunch(說來也有點不好意思，因突然有急Call，於是要他久等了)，發覺Engineering Building改變了不少呢! C1 Lab不見了，那條長長的Corridor ，R3和R4等都不再存在了...感覺有點失落，有點陌生...可能始終也曾經在那裡渡過了不少的光陰吧...

仲有四日

仲有四日就會去影Wedding Photo 了，hee hee，老實說有點意緊張呢，可能是因為未影過吧 ~ 不過我諗會好好玩的 :P 不過最緊要就係要當日會好天啦，希望天公做美啦 : )

對上個Weekend去了剪頭髮，我諗對上一次剪到咁短，是要數到中一二的時候了…先不說好唔好睇，但短頭髮實在是太太太太方便了，洗完頭用毛巾索兩下就乾晒，真係方便得很!!! 岩徙我呢d懶人 : P 另外終於”的起”了心肝去穿返耳，幾年無戴，感覺確是有點新鮮呢 !

前日琳琳試穿起了婚紗，很靚呀 ~ 放心啦，我覺得一d都唔肥啦 ~

工作上，相信跟住來的兩個星期將會很忙，希望一切都會順順利利啦。

可憐琳琳一陣放工後還要去上堂呢...

咀哥出事了...

在現役曼聯球員入面我其中最喜歡的咀哥Alan Smith ，係琴晚對利記的賽事中嚴重受傷...睇到都心痛...我衷心希望你可以快d康復，我地一眾曼迷都期待再次看見你披上曼聯戰衣的雄姿。Wish you All The Best !!!!!!

分別

16-2-2006

我們的Exchange Server 又有問題，大部份out-bound email都滯留了在Exchange Server，花了整個上午…狡盡了腦汁，嘗試過Force Connection，restart 所有Core Exchange Services，Information Store，DNS，SMTP … 個Out-bound queue 仍然係高企不下，加上Shane一副愛理不理的態度…我根本就處理不到呢個問題。我覺得已經無可能再拖了...在無可奈何的情況下，只好向Kinetics的人求助，what a shame! Ericson!

Tony (Kinetic Engineers)到Connect 的時候我不在場。我回到Office，情況並沒有好轉，我問Tony他做了甚麼對策， 他說他也只是重複地做了一次我早上做過的事情…但分別就在這裡了，他可以很有信心地說出這不並是Exchange本身的問題，而是因為有一個”Email sitting somewhere on the queue” violate左Exchange某些Rules，而嚴重地Slow Down左整個out-bound queue。可以做的，就是等…慢慢地等個Queue clear up。最後也證明了他是對的。我相信換轉是我，我會繼續花上十個…二十個…三十個鐘頭繼續去搵呢個唔存在的Solution吧…識得幾時放，幾時收…這就是高手與新仔的分別。

這一刻...

真的很想很想很想很想妳可以在身旁....

今年的情人節禮物 ~

秘密 ~~~~~~~~ :P

疲累的一天

由今朝7:45返到公司開會開始，就一直無停過了...而家好眼訓呢...

收到消息將會有兩個大Project，一個Server Migration，一個起新Domain，看來non-stop action又就黎開始了!!!

琳...很想念妳...

聖鬥士名言錄

或許這世上真沒可信的人，但我仍相信友情。
－－紫龍

你抛棄了友誼和眼淚，就毫無勝利的希望了！
－－星矢

我們是廣闊宇宙中的一個小小生命，我們生命中的小宇宙永遠燃燒著。比起那些追求時髦的人，我們的生命充實多了。我們不論生存在什麽星宿下，都會過得很壯觀。雖然留下傷痕，但那是爲了更好地成長。
－－星矢

聖鬥士的優劣並不全取決於聖衣，最重要的是能夠燃燒自己的小宇宙使之爆炸的人就能夠獲勝！
－－穆先生

奮戰通常是要付出代價的，這並不是爲了眼前的勝利，而是爲了未來……
－－紫龍

這宇宙整體的真理就是無常，沒有所謂的完全的罪惡或完全的正義存在。
－－沙加

夢不一定是指不可能。懂得夢是不可能實現的時候，已經是到了人生的終點。
－－冰河

對敵人絕對不要仁慈，在敵人還沒斷氣前絕不能大意。
－－斯基拉·伊奧

只要對自己有信心，一定可以夢想成真的。
－－冰河

生命是只有一次的。也正因此，它才會發放出無比寶貴的光芒。
－－童虎

只有苦痛的人生是絕不會有的。有苦必然就有樂，反過來也一樣……在這個世界上，生命是一瞬也不會停止的。人的一生也是這樣。它經常在變動，這就是無常。
－－沙加

沒有希望，生存就失去了意義。希望是任何時候都不能放棄的。不要喪失信心，要努力奮鬥！要突破任何惡劣環境的困難……然後産生希望！
－－星矢

絕不放棄希望，努力向前進；哪怕地獄門後邊的道路充滿荊棘和苦難！
－－阿瞬

永遠不要忘記，死決不是最後……曾經活在這個世界上的聖人們，就都超越了死的境界。如果你也能領悟這一點的話……那你就是人類中最接近神的人了。
－－沙加

任何純潔的人，爲了生存都會殺生，吃肉和魚，或者采花、殺昆蟲等……還有憎恨別人或傷害了別人……其實誰都不想做這樣的事。如果這些都算是罪惡，那麽人類本身爲了生存都是在犯罪嗎？
－－阿瞬

在戰場上，哪里還有空考慮累不累的問題！怕傷了眼前的敵人，算什麽好漢？必須打敗敵人！不然敵人得勝，便會讓很多無辜的人受到傷害。
－－加隆

一枝枯萎的鮮花，不會再盛開。人、鳥、蟲……光輝的星星都只有一次生命……
－－奧路菲

雖然在有限生命的身體上受到無限傷害，但是人類的生命中潛在著奧妙的本能，它可以再次無限地發揮出來。這種力量有時候可以産生超越神的奇迹！
－－雅典娜

如果傷害了敵人也算是罪過的話，等清除了世上的一切邪惡，再接受神的裁決吧！在這之前只有戰鬥！
－－加隆

爲了愛，人類能夠非常溫柔，也能非常堅強！
－－雅典娜

只要生命之歌還在繼續，決不放棄希望！
－－星華

因爲人類有缺點，也有不足之處，所以必須互相幫助。
－－紫龍

不殺一隻小蟲，不折一枝花，這樣度過一生的人實在沒有。人不是神，所以不管是那麽善良的人也會無意間做點壞事。這就是生活。爲了生活只能這麽做。
－－雅典娜

有即是無，無即是有。肉體歸根到底只是這個世界上的借用品。
－－童虎

動魄經心的一天 !!!

今日完全可以話係動魄經心 ... 一早返到公司就立即被人call了出去，單job OK，無難度。跟住返公司，例牌梗係Send封e貓比琳琳報平安啦。Send完等左陣，無reply，OK，再Send，都無Reply...可能佢忙掛~但個電話就突然響起，收到琳琳的SMS問我點解無晒聲氣..."Yee...乜佢收唔到我的e-mail嗎?"...一股不詳預感湧上心頭...我立即用閃電的速度log 入Exchange Server...oh shit...d out-going mail 坐晒係個Server到(今次PK了...成間公司的out bound mail stop晒)...開個Event Viewer睇睇，見到有個Error話SMTP service connect 唔到去xtra個DNS，"點解呢???Connect 唔到去DNS，咁點解其他Server又可以browse internet ??唯獨是SMTP connect唔到???"，Shane堅持係XTRA DNS問題，但我就唔多convinced...個Exchange Server 係我地Local Network既DNS Server，如果Xtra個DNS真係有事...咁其他server同workstation 就根本無可能上到網啦...又點會偏偏就係得個SMTP service Connect 唔到呀??? 所以結論得一個...就是Exchange Server被Firewall Block了!!! Log 入個Firewall，中啦，大大隻字寫住"cnz_exch is blocked"...點解會block? 因為有Worms !!! @#$@$@$@@#%# !!!! Trend Micro廢的嗎? 點解個Server可以有Worms ??? 當然...立即消毒...解封...一切回歸正常...pher...

跟住到第二單Job ... 又係Server...唔知點解今日好驚掂Server...個Job既Description係去install extra RAM落個Server...我最憎呢類Job，個Site唔係我自己睇開，個Network 有乜暗病我完全唔知...一切只可用常識同經驗(但我無呢...)去解決...貿貿然咁去走去Shut Down 人地個Server，如果唔好彩，係好大機會會咩鑊的...果剎那我多渴望RAM係可以好似USB Device咁，Plug左就play，走人~~但諗深一層，Bill叔叔的Plug&Play都係唔多可靠，一陣一plug就Blue Screen，咁就完蛋了XDDD

係去site既途中，接到了迪波拉的電話，佢話佢o岩o岩接到Call，話有另一個Client的 Server，因為琴晚有Power Cut，之就一睡不起，boot唔返...問我有無可能盡快去睇睇...我頂...我一陣仲要去Restart人地個Server架...你呢 d時候打黎嚇鬼我咩...

終於去都site，最令我擔心的情況出現了...on site的完全係一個"多功能"server，Domain Controller，Exchange，DNS就例牌架啦，但仲有SQL(我最驚)，ISA(終於見到有人用啦)，IIS(呢個OK)，再加上唔知幾多個Apps...總之就樣樣齊啦!嘩，大佬，洗唔洗咁慳呀?咁大間公司好心就買多個Server做Load Balancing啦...係Shut Down前，我足足用左半粒鐘去做Preparations，note底晒主要的Setting，萬一有乜事都有個Reference。個Client又勁煩氣，成程棟係我隔離監工...真係有無比壓力...不過謝天謝地，最後都OK smooth地完成整個Process ~ 再一次 ~ pher ~~~

玩具大王

玩具大王
唱: 林海峰

玩吓玩吓　迷你扭蛋扭幾吓
劉米高公仔一套十幾打　擺吓之嘛
玩吓之嘛　懷舊咭片機打吓
望吓PSP　bid套舊世嘉　玩吓炒價

一買四部　玩我最豪
賤價變賣　賣完落場又買
整隻八哥　未算誇

玩佢兩日　即晚放盤
未厭嗌悶撞埋蓬牆大嗌
仲有冇嘢更襟玩　俾我玩

玩我幾大　玩到通宵好嗎
玩放煙花好嗎　我全力去馬

玩吓牽掛　復古傢俬摸幾吓
白雪ipod黑膠駁大喇叭　睇下之嘛

玩鬥威吓　大隻金勞好曬
成架low低mini夠壞　玩劈急彎玩驚怕

玩吓嗌悶　玩過要換
話咁快熱情一秒過我就戒
求其求過癮玩唔停　貪玩

不要結伴　不要有伴
我自求我快樂大晒
行勻全場最好玩始終一個人玩

玩吓之嘛　玩到識飛好嗎
盡情自己玩吓　反到一絲不掛
細碼變大碼

跑不掉了... 放過我吧...

之前出鐵人28 ...我忍...之後幾隻真三一...我都忍你....但今次...竟然係黃金俠!!!!我投降了...如無意外...這將會是我我第一隻超合金魂...

Release Date: 6月中旬 (6,300円)

同場加影仲有Yamoto 1/60完全變型 VF-0...Macross Zero入面我最愛的Roy專用機...放過我啦 ...

Release Date: 4下旬 (16,800円 ...@_@)

哎...仲有隻文仔添呀 ... 呢次實破產啦...

Release Date: 3月下旬 (5,250円)

有時，我真係唔敢想像 ...如果我長註係HK的話會係點，我諗我真係索性去開間玩具店好過。

Back to Normal

No more long weekend, no more 4 days week ...

發覺近來人懶了...經常都懶洋洋的，Weekend除了要外出吃飯，其餘的時間都只想跟琳琳待在屋企，甚麼地方也不願去...但兩個人靜靜待在家裡的感覺，倒很自在，不錯不錯。

前日終於在City的Simth & Caughey 找到琳琳一直想要的Promesse香水，哈哈，當然二話不說就把它買了下來。本想給她一個驚喜，但原來她也在Newmarket 的Simth & Caughey發現了它的蹤影...哎，計畫完全敗北，真失策。

Sat Night去左Albert Park 的元宵節Event，有很多野食呢 ~ 不過真係太多人了 ...原來Auckland還是有很多華人的，哈哈，真係好耐無同時間見到咁多華人了。講開元宵節，原來唔覺唔覺聽日就是我們第二個情人節了，點解時間可以過得咁快既?

婚禮籌備方面，最近又慢了下來...不過都要等果幾張帖寄到來NZ，先可以再作決定。場地佈置有表姐個Friend，又有Ella間公司，我相信問題應該不大啦。但琳琳究竟幾時去買鞋影相呀??? 得返兩個Week唔夠啦...琴晚開始了點酒席人頭，我果邊就應該夠數啦，但對於我自己無男家親戚的情況下...究竟仲應該搵邊個坐男家主家席呢?不過我諗都係等Mum去決定啦，最緊要係合佢地心意。

he he...就三月了...can't wait for my review...he he he he he he he he ... (MSN's smile)

再來...今次係金牛座 ~

是的....

妳永遠也是Special的一個。

自製的牧先生

HA HA，搞左我成晚，但好好玩~~ :P

起身了 ~~~

但愛睡的她還像豬仔般在熟睡中 ~

很強呀 !

planning bla bla bla bla bla bla bla bla purchasing bla bla bla bla production bla bla bla bla bla bla bla bla email bla bla bla bla cc bla bla bla bla planning bla bla bla bla stock bla bla bla bla bla bla bla bla bla bla bla bla stop bla bla bla bla production line bla bla bla bla bla bla bla bla bla bla bla bla team leader bla bla bla bla bla bla bla bla 好啦，返去再傾。

在4分半鐘入面，我只記得這麼多。

就快到 Long Weekend 了

係今個星期短短的四日入面，我足足出差到 Hilti NZ 達5次之多，連果到個receptionist 都話不如叫我係Hilti搵份工，長駐係果到算啦。唉，真係自己都覺得有點唔好意思...但5次到訪都係deal with 5個不同的問題，只怪你地唔好彩，哈哈，等收張Big Bill喇 XDD 但其實諗真，如果Connect真係將我流放到Hitli (Say 兩個月)，都真係唔錯呀，一來可以轉換下工作環境，二來又可以玩下人地個 Multi-Domain Network，真係唔錯唔錯...但...算吧啦，係唔會發生的。

兩個傻人

我發覺我地兩個都是屬於很敏感的人，尤其是對著對方。我地會靜靜的留意對方身邊的一切。表面上我們會做得很大方，但其實心裡卻著緊得要命。例如一方在夜晚收到不明的SMS，或日頭有異性來電，另一方就會裝出一副不經意的樣子，但同時在心裡卻在盤算著究竟是甚麼的一回事。我們永不會開口向對方問個究竟，所以最好還是自動自覺的把事情交代清楚，否則，後果自負。哈哈，這就是我們。

近期心水 - 劉浩龍

近排很喜歡聽劉浩龍的歌，可能是因為他的Style正是屬於我所喜歡的一系吧 (呢一系的成員還有鄧健泓，藍亦邦和陳奕迅等，劉浩龍和E神的聲底唱法真的很相似呢)。呢幾日無論係搾緊車，係屋企上緊網，同臨訓前，都會開著他的歌聽。心水精選包括 : 眼緣，緋聞男友，二等天使，斷尾，變臉，戰友(原來藍亦邦作的)是和9434 0634 。

9434 0634

來到兩點幾　扮作睡有哪位
長夜抱著手機的你　恐怕是心中有鬼
聆聽細聲　喂　在對面線那位
然後你便怱怱收線　走到大廳等那位

誰能讓我睡　實在沒法睡
烽煙似就快四起
為何強逼我猜測　三點幾
誰會再致電你

* 看到9434 0634　看到他呼喚你
　用了一整個晚上偷聽你
　我卻聽不出轉機
　有個他要搶你　來電找你
　我怕黑都因為你
　害我不敢看你電話　驚識穿你*

捱到五點幾　極秘密有哪位
寧願坐在廳中的你　短訊是否給儲起
而我也只好　扮照睡覺不理
期望繼續吞聲忍氣　一切便可不記起

然而沒法睡　實在沒法睡
烽煙似就快四起
為何聾不了　怎麼總聽到
誰背我吻著你

REPEAT*

看到9434 0634　看到他呼喚你
用了一整個晚上偷聽你
我卻聽不出轉機
怕會知你隱秘　我最想你
轉震機隱藏你
靜到想哭也怪自己　真不爭氣

細心聽聽，其實呢首個的詞是填得不錯的。歌詞比較屬於”生活化”，所以聽起來很容易使人產生共鳴。而比較特別的分別是用了電話號碼來作歌詞，還有用了”兩點”，”三點”，”五點”來敘述出整個故事，挺有心思呢。

結果...

還是受不住魔鬼的引誘.....走上了這條不歸路........

TAMRON SP AF28-75mm F/2.8 XR Di
(哈哈，DC仔谷到盡都可以玩景深的 :D)

二月了

暫下眼，咁就到左二月了。諗真下，其實年尾真的不是too far away，可以說已經是進入了視線範圍內。前排提起派利是，發覺原來我下年將會要派利是比人了，哈，真的很難以置信呢，唔知將會係邊個幸運兒收到自我出生以來派的第一封利是呢?

想一想，我好像從來都未試過這樣對未來充滿著期望(或者應該說以往的我一向都是活於”現在”吧)。對將要踏入人生的另一個階段，和將會要面對很多不曾經歷過的事，難不免有點兒緊張…但想到自己身邊有一個人(係呀，是妳呀!!!)，正和自己一起去體驗這一切一切，不是很幸福嗎? 我正衷心的享受著每一刻一秒。

沒有甚麼是比能夠找到一個"可以讓自己全心全意去愛的人"更幸福的了。我有幸在我的人生路上，碰上了妳。

有無搞錯呀!!! 唔睇啦 >_<

這是冥界篇第3話的Cap圖:

有無搞錯呀? 呢d乜野製作質數黎架 ? 好一件黃金聖衣慘變做黃色底衫 (仲要係我最鐘意的加隆!!!)!!! 好似有d過份嗎 !? Die Hard Fans 都有底線啦 ! 哼，決定唔睇啦 !!!

題外話，9434 0634 原來係電話來的，聽真其實OK 的~

傻傻的妳

大年初二的晚上，她整晚專心的坐在電腦前，打著一些簡單不過的"Flash Game"...

時不時，她就會傳出一陣陣的傻笑聲，"打呀!!!"，"搞錯呀!!!"，"Yeah!!!"等此起彼落，很投入，很陶醉似的...

很多時候，她就是這麼容易滿足的。

妳知嗎?傻傻的妳真的很可愛 :)

大年初一誕生的小生命 ~

你們四兄弟姊妹要健健康康，強強壯壯地成長呀 !!! 知嗎 ?

P.S. 還有都祝大家狗年身體健康，心想事成。

PPPP.SSSS. 琳琳就最緊要都係身體健康，新的一年繼續開開心心，想果樣就得果樣，一年靚過一年 :D

第一次 Photoshop ~~~ :P

註: 左邊的熊仔叫"ah"，右邊的叫"Oh"。

是妳了

在這世界裡妳可能只是某人，但對某人來說妳卻是全世界。

開始煲書 ~~

今日終於收到呢本被形容為"十個係日本碰到的香港旅客入面，起碼有八個會拿住係手"的日本自助遊天書。略略看過幾頁，又好似真係唔錯，很多資料，我相信有排睇 ~

琳琳今日異常的Grumpy，一陣都係要諗諗辦法tum返佢喇 ~

It's Time For a Change

用左 M$ 既IE多年，唔知點解突然心血來潮，想轉換下。於是便Download了Firefox，哈，發覺又係唔錯喎，個Tapping又真係幾好使好用。我諗係IE 7出之前，我都會Stick with FireFox。講開 M$記，Windows Vista今年年中應該會登場，又要學新野了。我諗而家都係時候找隻Beta來試試。

今個Weekend都過得很愉快，很充實。Saturday終於都去了看Bathroom Furniture，Parnell的那一間Bathroom Studio，靚就很靚啦，但價錢就..he he，一分錢一分貨啦。不過我地一定會繼續盡力貫徹我地"以平常人的價錢，換取上等人的服務"的購物宗旨，哈哈。

農曆新年又就到啦，於是我地去左Show Ground的年宵市場，有好多人呢!!!雖然就唔係行左好耐，但都幾有趣呀 :) 不過唔制呀，食唔到豬扒包>_< 我咁大個仔都未食過呀 !!! >_< 講開食野， 近排我們愛上了玩煮飯仔:P 琳琳泡製的三色牛柳卷就很不錯呢 (琳琳好叻呀)!!! 但個羅宋湯就...個Menu騙人的!!!!

這是今個Weekend 在Trademe的斬獲 - Logitech mm50 iPOd Docking Station:


呢件野的音質，外觀和實用性都比如期好得多!!!加上以超低價從Trademe購入，哈哈，感覺很好。但其實這本身也一件是很好的產品，我誠意推薦比各位 iPOD用家 ~

最後補上琳琳今個Weekend的傑作 - 三色牛柳卷 ~

20-01-2006

忙了兩日，今日又回復平靜。前晚同左EE的朋友去Dinner，講開工作，佢地將我的工作形容為厭惡性行業…其實諗真，都幾的…因為我地落親 Site，唔係Fix Problems，就係 Upgrade，總之就係會為佢地帶來不便…唉，認真吃力不討好。自己公司的人其實對我都好好，尤其是大Boss Graham和直屬上司Steve，對我都很照顧，但始終我還是希望在工作上可以有一個伙伴…起碼可以大家Share下idea，係technical方面可以給我一點Support…現在…當遇到甚麼問題，真係拿起個電話，都唔知可以打比邊個…唉…

婚禮籌備方面，進展相當唔錯(當然是因為琳琳的努力啦…he he)，已經從HK找到了合心水的攝影師為我地當日拍照及拍Video。現在等他Send Contract過來，跟住就OK了。年尾往香港日本的機票亦都Book了(也是琳琳完成的 XDDD)，價錢比想像中低呢，很好，可以慳回一筆 :D

另外，我計過了，如果我想年尾買Seamaster，由而家起每個月要多儲$400 …哈…有可能嗎?

一些我喜愛的歌 ~

這些都是我很喜愛的歌，除了"遇見"，其他歌曲排名不分先後，

遇見 (孫燕姿) – 這是一首很動聽及很有感染力的歌，每次只要是聽到前奏的鋼琴聲，就會有無盡的感覺湧上心頭。這是對琳琳和我來說，永遠都具有特別意義的一首歌。

"我遇見妳 是最美麗的意外 "

相依為命 (陳小春) – 很多人都說小春的歌很露骨，但其實我卻挺喜歡他那種”直接”及”單刀直入”的風格，可能是因為我覺得唱/聽歌是用來舒發情感的，有時不需要太多的修飾吧? 說回來，這首是屬於小春少數的”幸福”作品，唱 K必點。

"年華像細水沖走幾個愛人與知己
抬頭命運射燈光柱罩下來是我跟妳 "

好想你 (徐若萱) – 很喜歡Vivian，in terms of outlook，她可說是一個完美的生命體。現在的她比初出道時多了一份成熟，多了一份女人味，我認為現在的她是最完美的。”好想你”是她最近期的一隻Album入面我最喜歡的一隻歌。歌詞就如同歌名一樣是描述對一個人的掛念。首歌表達出來的情感，並不”山盟海誓”，亦不”驚天動地”，也不會令人覺得”掛得令人死去活來”。相反，所表現出來的是一種很平靜，很親切的掛念。聽起來令人覺得很warm，很平實，很親切。每次一聽到這首歌，都會聯想起我掛住琳琳時的心情。

"(MSN) ~~~ I ~~ M~I~S~S~~Y~O~U~~ I MISS YOU! "

晴天行雷 (余文樂) – 這是一首我挺喜歡，但又只會當是"音樂"來聽的歌。首歌的Style是我鐘意的類型，所以第一次聽到就已經將佢列入"Favorite List"。我嘗試過去明白歌詞的意思…em…但完全摸不著頭腦。最近我已經放棄左去理解呢首歌，索性當它是純音樂來聽就算了。

"晴天行雷 無論是否因此犯綁架罪
回頭就鎖住你 讓我去犯罪 連天都有眼淚"

WTF，我慧根淺，get 唔到。不過真係幾好聽的 ~~~

眼緣 (劉浩龍) – 這是一首輕快的作品，聽起來很令人舒服。我諗歌詞想帶出的是"當愛就愛"的Concept; 雖然明知到這可能是一段苦戀，但還是很勇敢的去面對，繼而從中享受這段戀愛，努力去找緊和珍惜每一刻的花火。近來已經很少這類"正面"的作品了 ~ 無論是作曲，填詞和演繹，我個人都覺得是水準之作 :)

"和你 一起 明知不合理
快樂 日期 如延長下去 問誰想收尾"

野種子 (陳文媛) – 第一次聽是原著的韓文版本，歌詞完全聽不懂，可以說只是被它動人的旋律所吸引。從Kiss的演繹方式我相信這是一首不太開心的歌(後來從它那很Sad的MTV中也證實了，Kiss的唱功值得一讚)。從琳琳口中得知，原來陳Bo Bo的”野種子”就是這首歌的中文版本。這一次，歌詞是聽得明了，但Bo Bo的唱功…em …算吧啦。不過還是覺得這首歌很好聽。

"如信封消失了地址 如昨日我沒名字
自信心遠離時 誰愛這一顆野種子"

繼續遊戲 (Beyond) – 一首大學時代很愛聽的歌，夜晚在街上暴走時必備，有助提升戰鬥力。這可說是那段時期生活的寫照，到了今天有時也會回味那段”玩樂至上”的日子。雖說回味，但不代表想再次體驗，可以說是我進化了 ? 還是只是因為人老了? 但說到底也慶幸自己曾經年輕過，放縱過，無知過，起碼現在的我不敢(也不想吧 …)在Piha走190Km吧? 哈哈，畢竟都是人老了 :P

"差一點訓到天黑 我實在太過不思長進
走出街要最光鮮 看倒後鏡裏我滿面倦容"

男子組 (林海鋒) - 若說"繼續遊戲"是年輕時代的縮影，那麼我想現在的我正步入"男子組"年代吧? 歌裡每句歌詞都是每個步入"三十"的"男孩"的心聲，聽落很有共鳴感。真的很期待和一眾"豬朋狗友"…oops no, 一眾"男子組"一起高唱這歌 :P

"老友咪放棄　放都o徙氣　baby
振振兩臂　拍拍背肌打氣　baby
(力要谷起)　
想當天可以孩子氣　
(未要孭飛)　
今天爭爭氣 男子組靠你"


寫住咁多先，呢d只係我隨意諗起的，其實還有很多其他其他歌是我喜歡的，而對每一首歌我都會有不同的感受。我相信隨著年月的增長，我對這些歌的體會亦會有所改變，而這些感受又會反應出我於那段時期的思想和心情。我很想可以將它們都記錄下來，在未來翻看時，一定會很有趣。

有點累...有點想放棄...

剛知道星矢神話系列將會繼續出落去，繼12位黃金聖鬥士及新生五小強之後...一眾海鬥士都會被神話化...之後還有神鬥士...冥鬥士...真的開始有點令人吃不消了...

加上專家預計今個財政年度會有多項重大開支，國庫儲備將會不斷下滑，(6)消費力相對變得疲弱。專家又指出，如果方有關當局不及時作出針對性的開支調整，整體經濟將會失衡，甚至乎會導致泡沫經濟的爆破。而外界的一般揣測都認為，首項被裁減的會是每個月沉重的星矢金。

所以...我的神話系列計畫極可能會在新生五小強結集後...而告一段落。Huh Huh Huh ;(

Another Step Closer ~

今日終於決定左聘用邊間Photography Studio 為我地影結婚相，日期亦都定了。哈哈，我諗琳琳要真的積極開始她的Keep Fit 計畫了(其實我覺得OK 啦，但她就不停嚷著要減肥，我想這是女人的天性吧...) :P Anyway，當每次完成一件和婚禮有關的事情，感覺都會很好。我會覺得我地好像向又目標行近了一個Step似的，無論是一大步，或一小步，都很有滿足感。

今日在網上跟靚靚表姐談了一會，她說我們的戒子很靚呢!!!我地都未見過實物呀...很想看一看呢...講開表姐，由最初籌備結婚開始，佢都幫左我地唔少，亦為我地提供左好多寶貴的意見，仲不停的"督促"我地唔可以偷懶添:P "表姐，真係唔該晒你呀!!!" 正如琳琳所講，一定要好好報答佢先得 :)

接下來首要的，是決定請帖啦，回禮小禮物啦，婚禮當日的Photo/Video拍攝啦，場地佈置啦，Honey Moon日本遊的行程啦...很多很多...一定要繼續努力!!!

New Toy Has Arrived !!! :P

Ha Ha ...

從前
(約晚上十一時, 女方的電話響起...)
男: 你在做什麼喔?很掛念妳呢! 不如我到你家留下看看你可好?
女: 在看書呢, 找我有事嗎?
男: 喔! 沒什麼, 只是想妳,想聽聽你的聲音 ^O^
女: 今天工作辛苦嗎?
男: 只是有點忙, 但想到妳,什麼累也忘了
女: 那早點睡吧, 現在很晚了, 明天你還要上班耶 ( 約三時)
男: 不, 想聽妳的聲音多一會, 可以嗎?
女: @^^@ 嗯
然後男方依依不捨才肯掛電話 ...

現在
(約晚上十時, 男方的電話響起...)
女: 你在做什麼喔?很掛念你呢!
男: 在忙, 很累,找我有事嗎? (打機中)
女: 喔! 沒什麼, 只是想你,想聽聽你的聲音 :)
男: .......... (無言, 盡是鍵盤聲)
女: 今天工作辛苦嗎?
男: ..........你~~~~~~話~~~~~~~呢~~~~~~~ 日日都咁忙啦~~~~~~~~(不奈煩)
女: HMM........見好耐無同你傾電話,想聽聽你的聲音傾下電話罷了 ^^
男: ...........(一片寂靜)
女: 喂喂?
男: 在.........
女: ........
男: .......
女: 你點解唔出聲既?
男: 無野想講........(很忙碌的鍵盤聲)
女: 嗯.....那早點睡吧, 我知你很累了, 明天你還要上班耶, 不要太晚睡喔, 對身體不好 (極度失落)
男: 嗯 (冷冷的回應夾著不奈煩的聲響) .....
女: 晚安......
男: (咔咔) 巳掛掉電話
然後女方才失落地放下電話....(約十時零二分)

* From Forum

無驚無險，又到三點 ~

很好，已經三點了，還有兩個鐘就放工，因為多得今日有幾單call-out job。I like “call-out jobs” because they make the time goes faster, and also for most of the time they give me a sense of satisfaction (of course only applies for those jobs that I can accomplish).

Let's Do It !!!

I know it's tough, but we do need this extra 50% of saving !!! Add Oil Ah Son !!!

Hey Love, 值得架 ;)

星矢冥界篇前章短評

係滿心期待下，看了05年12月剛在日本放映的"星矢冥界篇前章"的第一，二集。Comments ? 三個字 – 好 . 失 . 望。無論是從畫功，配樂甚至到編排都是水準之下。整體感覺就像製作得很匆忙似的，完全係缺乏誠意之作。嘗試過問自己係咪之前期待過高?或者是要求太高? 但我又覺得唔係囉。前作”冥王十二宮篇”中的華麗CG背景，精彩的戰鬥場面，各人超酷的”現代化”造型， 在新作中完全找不到…取而代之的是生硬的背景，像小朋友打架般的戰鬥場面 (我最愛的雙子座加隆的出招場面，簡直是慘不忍睹…恆星爆裂拳慘變成 Golf 波波拳… 星矢的招牌天馬流星拳更加是笑死人…)…還有角色走樣頻頻 ，情況嚴重…而當中我最受不了就是偷格的問題，係每一集，都會經常有一些6，7秒的場面，整個畫面都唔會郁，淨係得d人物個嘴係到郁…感覺就好似睇緊有配音的漫畫…真係唔知呢d係咪就係東映所謂的將星矢漫畫”動畫化”。畫面上色亦很差勁，打陰影就慳得就慳，這是小學生填色比賽嗎 ??? 抵鬧 !!! 不過新配音人員的表現可以接受，唔錯唔錯。

可能你地會覺得我很挑剔，但我相信如果你地有睇過"冥界前章"，都會認同我所講。OK，有人話唔應該將佢同之前的"冥王十二宮"比較 ，因為"冥王十二宮"始終是 OVA，有較多的製作成本; 但其實就算將"冥界前章"跟其他比較近期的TV動畫例如 Gundam Seed Destiny，質數都仍然係差一大截，一拍埋就令人完全覺得呢兩套動畫的製作年份起碼前後差左5年。我個人覺得"前章"的畫面質數甚至乎比"Keroro曹長"這類劇情取向的動畫還要差勁! 唉，so sad !!!

不過講到尾，我都會繼續睇落去，因為就算點差都好，有得睇點都好過無得睇。哈哈，我都覺得自己好唔掂，又要睇，又要鬧，鬼叫自己係死硬派星矢迷咩, 真係無得救 !!! 哈哈哈 !! :P

結論 – 完全是Fans向作品，係星矢迷既，就一定會睇。如果唔係星矢迷既，就算唔睇都唔會有損失。

唔想返工

個新年假終於放完了,又要返番工了。我的兩個Boss 仲係On Holiday,再加上我自己又未完全收拾好心情，所以個人仲係好似雲遊緊咁，完全入唔到mood做野,不過我諗過多幾日就會回復正常。

呢個假期都過得好開心，最難忘的莫過於和琳琳同她的屋企人去旅行啦 。其實我都好耐無去過這類”家庭式”的旅行了。唔知點解，這一次我竟然覺得有些新鮮覺，可能是因為這是我第一次這樣強烈地從不是我屋企人的人身上，找到了一種像是一家人的感覺吧!?，很warm 呢 !!! Auntie和Uncle 對我真的很好呀，照顧真的很周到，我真的很enjoy這幾天的旅程，多謝您們 :)

另一件令我覺得特別的事情，就是在Christmas期間，我心血來潮的走去買了聖誕禮物比我的Dad and Mum。哈哈，我都唔記得我對上一次送聖誕禮物給他們是幾時了…發覺人越大，就越希望擁有屬於自己的生活，但同時往往就忽略了自己身邊的人。這幾年來，我地屋企的Bonding進化到了另一種型態，大家都經常各有各忙，見面的時間變得很少，一家人坐在一起的機會，也比以前少了很多很多。但其實這也不失為件好事，因為這證明我地都找到了自己想做的事情。加上見面時間的減少，可能反而令相處的時間變得更充實。哈哈，以我們家中每人奇異的性格，加上當中微妙的關係，這可能就是最好的相處方式。但我仍會珍惜每個見面的Chance。

今個假期琳琳和我做了很多DIY呢!!! 成果都好好，而當中全部都是我的第一次呢 :P 佢地分別有DIY Tiramisu喇，Canvas喇，日式Curry Rice喇 :D 哈哈，原來好多野都係可以自己整的，而且製作的過程也很有趣呢 !!! 加上一邊做，可以一邊dea琳琳，哈哈，很溫馨的 :$ 但製作過程中，一定要萬分小心的! 因為我見證到，如果稍有差池而出了錯誤，是會導致琳琳超級大扭計效應的 (扭得很厲害的啊!!!! Poor Auntie…) !!! 哈哈，但其實扭得黎又很可愛的 ;)

05’的Christmas，in terms of present 可說是非常豐收呢!!!琳琳係不知不覺的情況下(妳古惑了!!!)，從HK訂購了一對對裝鑽戒來作X’mas Present !!! 對戒子很靚的呢，設計是屬於我地喜歡的簡單類型，但又不失Character，琳琳，果然是Nice Pick !!! 收禮物的過程也很”特別 “呢 :$ 而我送比琳琳的禮物，雖然唔係好特別，但我真的很喜歡”一對對”的concept :) 希望妳鐘意啦 ~~~ 另外，我再買了一份重量級的禮物給自己，就是一部 Canon 350D 相機。當然遲d仲要配番支合適的Lens，但都係會等到自己熟悉了部機，清楚了自己喜歡影甚麼相(其實 99% 都是影琳琳的:P)，和技巧有番咁上下，才作決定。其實當前最需要upgrade的，就是我自己的攝影Skills…如果唔係就會變左得物而無所用了。唔得，一定要好好努力練習，多作嘗試，咁年尾就可以去日本影多d靚相喇!!!