承你貴言 ~

今日向ConnectNZ Hamiton 的IT Engineer Robert express 了我對公司收購 Ables 的Concern ...and he replied with:

Hey Ericson,

I understand your concern, but don’t underestimate your skills … see it as a good thing as you will get to work alongside those different skill sets and be able to grow really quickly.

Rob...承你貴言啦...但還是有點擔心 ...

哈哈哈哈 ~~

由而家開始，妳要錫晒我一個，寵壞我，唔准呃我。
應承我每一件事都要做得到，對我講每一句說話亦都要係真心，
唔做得「恰」我、話我，要信晒我。
人地蝦我，妳要第一時間出0黎撐我。
我開心，妳就要「鄧」我開心；我唔開心，妳亦都要「tum」番我開心。
永遠都要覺得我最靚，發夢裡面都要見到我，o係妳心入面只有我～

quoted from "我家有一隻河東獅"

哈哈哈哈 ....我講真架 :P

很震撼 ~ 很 TOUCHing

記得在漫畫Touch入面 ...

達也：「上杉達也愛淺倉南，比誰都多。」

這句話很震撼，但卻一點也不俗氣。

很想看 Touch 的電影版... http://touch.yahoo.co.jp/
要將一個由"二十多本漫畫"cover的一個故事，濃縮成一個多小時的電影，一定很考編劇和導演的功力吧...希望唔會好似 Initial D 咁啦...

但由"亞紀"飾演淺倉南...真的很令人期待 !!!

脫變 ~

突然間想起了一個朋友，一個挺要好的朋友。他以前的感情路並不好走，受到了很多錯折，付出了但往往都得不到回報。前幾日跟他相約去了喝咖啡，談談天。沒見一排，發覺他改變了；以前那個情場傻小子，那個自名天煞孤星的人，現在已經搖身一變成一副老手的模樣；這究竟是禍是福? 我不知道，但我還是喜歡昔日那個傻傻的他。怎樣也好，希望他能找到自己想找的人，和事。

一直都好想唱呢首個歌比佢聽的，但而家唔使了 : )

葡萄成熟時

差不多冬至 一早一晚還是有雨
當初的堅持 現已令你很懷疑 很懷疑
你最尾等到 只有這枯枝

苦戀幾多次 悉心栽種全力灌注
所得竟不如 別個後輩收成時
這一次你真的很介意

但見旁人談情何引誘 問到何時葡萄先熟透
你要靜候 再靜候 就算失收 始終要守

日後 儘量別教今天的淚白流
留低 擊傷你的石頭 從錯誤裡吸收
也許 豐收 月份尚未到你也得接受
或者要到你將愛釀成醇酒 時機先至熟透

應該怎麼愛 可惜書裡從沒記載 終於摸出來
但歲月卻不回來 不回來 錯過了春天 可會再花開

一千種戀愛 一些需要情淚灌溉
枯毀的溫柔 在最後會長回來
錯的愛 乃必經的配菜

想想天的一邊 亦有個某某 在等候
一心只等葡萄熟透 嚐杯酒

別讓 寂寞害你傷得一夜白頭
仍得不需要的自由 和最耀眼傷口
我知 日後 路上或沒有更美的邂逅
但當你智慧都蘊釀成紅酒
仍可一醉自救 誰都心酸過 那個沒有

小記

仲有兩個星期多d，我地就走在一起兩年了。兩年前的今日，絕對不會想像到今天的一切。而兩年後的今天，又會不會像我現在想像中般呢?我相信一切都會向好的一方面走。

近排窮得很，不知怎樣就是有很多的小費，慢慢在腐蝕我的Personal Saving。個050 Account由一月起就停滯不前，而近排的購買慾又異常的旺盛，再加上多開了”護膚品”這條 Line ...怎麼辦呀? 真的是時候上Trademe將部分的資產套現了。

上個星期六影唔成相，我知道琳琳是很失望的。但唔緊要啦，at least 我地有得選舉係更好的一天才影，或者會有意外的收獲呢。妳唔覺得好多野都係要等到適合的時候，才發生嗎?

今個Weekend要落Christchurch…很久沒有和妳身處在不同的城市了。妳會想我嗎?

27 歲生日 ~

琳琳給我準備的生日蛋糕，很可愛啊，仲好好味添呀~~ :D

我們的合照 ~~ :D

和屋企人的合照 ~~ :D

EE Building

今天和Gary回到了Uni食Lunch(說來也有點不好意思，因突然有急Call，於是要他久等了)，發覺Engineering Building改變了不少呢! C1 Lab不見了，那條長長的Corridor ，R3和R4等都不再存在了...感覺有點失落，有點陌生...可能始終也曾經在那裡渡過了不少的光陰吧...

仲有四日

仲有四日就會去影Wedding Photo 了，hee hee，老實說有點意緊張呢，可能是因為未影過吧 ~ 不過我諗會好好玩的 :P 不過最緊要就係要當日會好天啦，希望天公做美啦 : )

對上個Weekend去了剪頭髮，我諗對上一次剪到咁短，是要數到中一二的時候了…先不說好唔好睇，但短頭髮實在是太太太太方便了，洗完頭用毛巾索兩下就乾晒，真係方便得很!!! 岩徙我呢d懶人 : P 另外終於”的起”了心肝去穿返耳，幾年無戴，感覺確是有點新鮮呢 !

前日琳琳試穿起了婚紗，很靚呀 ~ 放心啦，我覺得一d都唔肥啦 ~

工作上，相信跟住來的兩個星期將會很忙，希望一切都會順順利利啦。

可憐琳琳一陣放工後還要去上堂呢...

咀哥出事了...

在現役曼聯球員入面我其中最喜歡的咀哥Alan Smith ，係琴晚對利記的賽事中嚴重受傷...睇到都心痛...我衷心希望你可以快d康復，我地一眾曼迷都期待再次看見你披上曼聯戰衣的雄姿。Wish you All The Best !!!!!!

分別

16-2-2006

我們的Exchange Server 又有問題，大部份out-bound email都滯留了在Exchange Server，花了整個上午…狡盡了腦汁，嘗試過Force Connection，restart 所有Core Exchange Services，Information Store，DNS，SMTP … 個Out-bound queue 仍然係高企不下，加上Shane一副愛理不理的態度…我根本就處理不到呢個問題。我覺得已經無可能再拖了...在無可奈何的情況下，只好向Kinetics的人求助，what a shame! Ericson!

Tony (Kinetic Engineers)到Connect 的時候我不在場。我回到Office，情況並沒有好轉，我問Tony他做了甚麼對策， 他說他也只是重複地做了一次我早上做過的事情…但分別就在這裡了，他可以很有信心地說出這不並是Exchange本身的問題，而是因為有一個”Email sitting somewhere on the queue” violate左Exchange某些Rules，而嚴重地Slow Down左整個out-bound queue。可以做的，就是等…慢慢地等個Queue clear up。最後也證明了他是對的。我相信換轉是我，我會繼續花上十個…二十個…三十個鐘頭繼續去搵呢個唔存在的Solution吧…識得幾時放，幾時收…這就是高手與新仔的分別。

這一刻...

真的很想很想很想很想妳可以在身旁....

今年的情人節禮物 ~

秘密 ~~~~~~~~ :P

疲累的一天

由今朝7:45返到公司開會開始，就一直無停過了...而家好眼訓呢...

收到消息將會有兩個大Project，一個Server Migration，一個起新Domain，看來non-stop action又就黎開始了!!!

琳...很想念妳...

聖鬥士名言錄

或許這世上真沒可信的人，但我仍相信友情。
－－紫龍

你抛棄了友誼和眼淚，就毫無勝利的希望了！
－－星矢

我們是廣闊宇宙中的一個小小生命，我們生命中的小宇宙永遠燃燒著。比起那些追求時髦的人，我們的生命充實多了。我們不論生存在什麽星宿下，都會過得很壯觀。雖然留下傷痕，但那是爲了更好地成長。
－－星矢

聖鬥士的優劣並不全取決於聖衣，最重要的是能夠燃燒自己的小宇宙使之爆炸的人就能夠獲勝！
－－穆先生

奮戰通常是要付出代價的，這並不是爲了眼前的勝利，而是爲了未來……
－－紫龍

這宇宙整體的真理就是無常，沒有所謂的完全的罪惡或完全的正義存在。
－－沙加

夢不一定是指不可能。懂得夢是不可能實現的時候，已經是到了人生的終點。
－－冰河

對敵人絕對不要仁慈，在敵人還沒斷氣前絕不能大意。
－－斯基拉·伊奧

只要對自己有信心，一定可以夢想成真的。
－－冰河

生命是只有一次的。也正因此，它才會發放出無比寶貴的光芒。
－－童虎

只有苦痛的人生是絕不會有的。有苦必然就有樂，反過來也一樣……在這個世界上，生命是一瞬也不會停止的。人的一生也是這樣。它經常在變動，這就是無常。
－－沙加

沒有希望，生存就失去了意義。希望是任何時候都不能放棄的。不要喪失信心，要努力奮鬥！要突破任何惡劣環境的困難……然後産生希望！
－－星矢

絕不放棄希望，努力向前進；哪怕地獄門後邊的道路充滿荊棘和苦難！
－－阿瞬

永遠不要忘記，死決不是最後……曾經活在這個世界上的聖人們，就都超越了死的境界。如果你也能領悟這一點的話……那你就是人類中最接近神的人了。
－－沙加

任何純潔的人，爲了生存都會殺生，吃肉和魚，或者采花、殺昆蟲等……還有憎恨別人或傷害了別人……其實誰都不想做這樣的事。如果這些都算是罪惡，那麽人類本身爲了生存都是在犯罪嗎？
－－阿瞬

在戰場上，哪里還有空考慮累不累的問題！怕傷了眼前的敵人，算什麽好漢？必須打敗敵人！不然敵人得勝，便會讓很多無辜的人受到傷害。
－－加隆

一枝枯萎的鮮花，不會再盛開。人、鳥、蟲……光輝的星星都只有一次生命……
－－奧路菲

雖然在有限生命的身體上受到無限傷害，但是人類的生命中潛在著奧妙的本能，它可以再次無限地發揮出來。這種力量有時候可以産生超越神的奇迹！
－－雅典娜

如果傷害了敵人也算是罪過的話，等清除了世上的一切邪惡，再接受神的裁決吧！在這之前只有戰鬥！
－－加隆

爲了愛，人類能夠非常溫柔，也能非常堅強！
－－雅典娜

只要生命之歌還在繼續，決不放棄希望！
－－星華

因爲人類有缺點，也有不足之處，所以必須互相幫助。
－－紫龍

不殺一隻小蟲，不折一枝花，這樣度過一生的人實在沒有。人不是神，所以不管是那麽善良的人也會無意間做點壞事。這就是生活。爲了生活只能這麽做。
－－雅典娜

有即是無，無即是有。肉體歸根到底只是這個世界上的借用品。
－－童虎

動魄經心的一天 !!!

今日完全可以話係動魄經心 ... 一早返到公司就立即被人call了出去，單job OK，無難度。跟住返公司，例牌梗係Send封e貓比琳琳報平安啦。Send完等左陣，無reply，OK，再Send，都無Reply...可能佢忙掛~但個電話就突然響起，收到琳琳的SMS問我點解無晒聲氣..."Yee...乜佢收唔到我的e-mail嗎?"...一股不詳預感湧上心頭...我立即用閃電的速度log 入Exchange Server...oh shit...d out-going mail 坐晒係個Server到(今次PK了...成間公司的out bound mail stop晒)...開個Event Viewer睇睇，見到有個Error話SMTP service connect 唔到去xtra個DNS，"點解呢???Connect 唔到去DNS，咁點解其他Server又可以browse internet ??唯獨是SMTP connect唔到???"，Shane堅持係XTRA DNS問題，但我就唔多convinced...個Exchange Server 係我地Local Network既DNS Server，如果Xtra個DNS真係有事...咁其他server同workstation 就根本無可能上到網啦...又點會偏偏就係得個SMTP service Connect 唔到呀??? 所以結論得一個...就是Exchange Server被Firewall Block了!!! Log 入個Firewall，中啦，大大隻字寫住"cnz_exch is blocked"...點解會block? 因為有Worms !!! @#$@$@$@@#%# !!!! Trend Micro廢的嗎? 點解個Server可以有Worms ??? 當然...立即消毒...解封...一切回歸正常...pher...

跟住到第二單Job ... 又係Server...唔知點解今日好驚掂Server...個Job既Description係去install extra RAM落個Server...我最憎呢類Job，個Site唔係我自己睇開，個Network 有乜暗病我完全唔知...一切只可用常識同經驗(但我無呢...)去解決...貿貿然咁去走去Shut Down 人地個Server，如果唔好彩，係好大機會會咩鑊的...果剎那我多渴望RAM係可以好似USB Device咁，Plug左就play，走人~~但諗深一層，Bill叔叔的Plug&Play都係唔多可靠，一陣一plug就Blue Screen，咁就完蛋了XDDD

係去site既途中，接到了迪波拉的電話，佢話佢o岩o岩接到Call，話有另一個Client的 Server，因為琴晚有Power Cut，之就一睡不起，boot唔返...問我有無可能盡快去睇睇...我頂...我一陣仲要去Restart人地個Server架...你呢 d時候打黎嚇鬼我咩...

終於去都site，最令我擔心的情況出現了...on site的完全係一個"多功能"server，Domain Controller，Exchange，DNS就例牌架啦，但仲有SQL(我最驚)，ISA(終於見到有人用啦)，IIS(呢個OK)，再加上唔知幾多個Apps...總之就樣樣齊啦!嘩，大佬，洗唔洗咁慳呀?咁大間公司好心就買多個Server做Load Balancing啦...係Shut Down前，我足足用左半粒鐘去做Preparations，note底晒主要的Setting，萬一有乜事都有個Reference。個Client又勁煩氣，成程棟係我隔離監工...真係有無比壓力...不過謝天謝地，最後都OK smooth地完成整個Process ~ 再一次 ~ pher ~~~

玩具大王

玩具大王
唱: 林海峰

玩吓玩吓　迷你扭蛋扭幾吓
劉米高公仔一套十幾打　擺吓之嘛
玩吓之嘛　懷舊咭片機打吓
望吓PSP　bid套舊世嘉　玩吓炒價

一買四部　玩我最豪
賤價變賣　賣完落場又買
整隻八哥　未算誇

玩佢兩日　即晚放盤
未厭嗌悶撞埋蓬牆大嗌
仲有冇嘢更襟玩　俾我玩

玩我幾大　玩到通宵好嗎
玩放煙花好嗎　我全力去馬

玩吓牽掛　復古傢俬摸幾吓
白雪ipod黑膠駁大喇叭　睇下之嘛

玩鬥威吓　大隻金勞好曬
成架low低mini夠壞　玩劈急彎玩驚怕

玩吓嗌悶　玩過要換
話咁快熱情一秒過我就戒
求其求過癮玩唔停　貪玩

不要結伴　不要有伴
我自求我快樂大晒
行勻全場最好玩始終一個人玩

玩吓之嘛　玩到識飛好嗎
盡情自己玩吓　反到一絲不掛
細碼變大碼

跑不掉了... 放過我吧...

之前出鐵人28 ...我忍...之後幾隻真三一...我都忍你....但今次...竟然係黃金俠!!!!我投降了...如無意外...這將會是我我第一隻超合金魂...

Release Date: 6月中旬 (6,300円)

同場加影仲有Yamoto 1/60完全變型 VF-0...Macross Zero入面我最愛的Roy專用機...放過我啦 ...

Release Date: 4下旬 (16,800円 ...@_@)

哎...仲有隻文仔添呀 ... 呢次實破產啦...

Release Date: 3月下旬 (5,250円)

有時，我真係唔敢想像 ...如果我長註係HK的話會係點，我諗我真係索性去開間玩具店好過。

Back to Normal

No more long weekend, no more 4 days week ...

發覺近來人懶了...經常都懶洋洋的，Weekend除了要外出吃飯，其餘的時間都只想跟琳琳待在屋企，甚麼地方也不願去...但兩個人靜靜待在家裡的感覺，倒很自在，不錯不錯。

前日終於在City的Simth & Caughey 找到琳琳一直想要的Promesse香水，哈哈，當然二話不說就把它買了下來。本想給她一個驚喜，但原來她也在Newmarket 的Simth & Caughey發現了它的蹤影...哎，計畫完全敗北，真失策。

Sat Night去左Albert Park 的元宵節Event，有很多野食呢 ~ 不過真係太多人了 ...原來Auckland還是有很多華人的，哈哈，真係好耐無同時間見到咁多華人了。講開元宵節，原來唔覺唔覺聽日就是我們第二個情人節了，點解時間可以過得咁快既?

婚禮籌備方面，最近又慢了下來...不過都要等果幾張帖寄到來NZ，先可以再作決定。場地佈置有表姐個Friend，又有Ella間公司，我相信問題應該不大啦。但琳琳究竟幾時去買鞋影相呀??? 得返兩個Week唔夠啦...琴晚開始了點酒席人頭，我果邊就應該夠數啦，但對於我自己無男家親戚的情況下...究竟仲應該搵邊個坐男家主家席呢?不過我諗都係等Mum去決定啦，最緊要係合佢地心意。

he he...就三月了...can't wait for my review...he he he he he he he he ... (MSN's smile)

再來...今次係金牛座 ~

是的....

妳永遠也是Special的一個。

自製的牧先生

HA HA，搞左我成晚，但好好玩~~ :P

起身了 ~~~

但愛睡的她還像豬仔般在熟睡中 ~

很強呀 !

planning bla bla bla bla bla bla bla bla purchasing bla bla bla bla production bla bla bla bla bla bla bla bla email bla bla bla bla cc bla bla bla bla planning bla bla bla bla stock bla bla bla bla bla bla bla bla bla bla bla bla stop bla bla bla bla production line bla bla bla bla bla bla bla bla bla bla bla bla team leader bla bla bla bla bla bla bla bla 好啦，返去再傾。

在4分半鐘入面，我只記得這麼多。

就快到 Long Weekend 了

係今個星期短短的四日入面，我足足出差到 Hilti NZ 達5次之多，連果到個receptionist 都話不如叫我係Hilti搵份工，長駐係果到算啦。唉，真係自己都覺得有點唔好意思...但5次到訪都係deal with 5個不同的問題，只怪你地唔好彩，哈哈，等收張Big Bill喇 XDD 但其實諗真，如果Connect真係將我流放到Hitli (Say 兩個月)，都真係唔錯呀，一來可以轉換下工作環境，二來又可以玩下人地個 Multi-Domain Network，真係唔錯唔錯...但...算吧啦，係唔會發生的。

兩個傻人

我發覺我地兩個都是屬於很敏感的人，尤其是對著對方。我地會靜靜的留意對方身邊的一切。表面上我們會做得很大方，但其實心裡卻著緊得要命。例如一方在夜晚收到不明的SMS，或日頭有異性來電，另一方就會裝出一副不經意的樣子，但同時在心裡卻在盤算著究竟是甚麼的一回事。我們永不會開口向對方問個究竟，所以最好還是自動自覺的把事情交代清楚，否則，後果自負。哈哈，這就是我們。

近期心水 - 劉浩龍

近排很喜歡聽劉浩龍的歌，可能是因為他的Style正是屬於我所喜歡的一系吧 (呢一系的成員還有鄧健泓，藍亦邦和陳奕迅等，劉浩龍和E神的聲底唱法真的很相似呢)。呢幾日無論係搾緊車，係屋企上緊網，同臨訓前，都會開著他的歌聽。心水精選包括 : 眼緣，緋聞男友，二等天使，斷尾，變臉，戰友(原來藍亦邦作的)是和9434 0634 。

9434 0634

來到兩點幾　扮作睡有哪位
長夜抱著手機的你　恐怕是心中有鬼
聆聽細聲　喂　在對面線那位
然後你便怱怱收線　走到大廳等那位

誰能讓我睡　實在沒法睡
烽煙似就快四起
為何強逼我猜測　三點幾
誰會再致電你

* 看到9434 0634　看到他呼喚你
　用了一整個晚上偷聽你
　我卻聽不出轉機
　有個他要搶你　來電找你
　我怕黑都因為你
　害我不敢看你電話　驚識穿你*

捱到五點幾　極秘密有哪位
寧願坐在廳中的你　短訊是否給儲起
而我也只好　扮照睡覺不理
期望繼續吞聲忍氣　一切便可不記起

然而沒法睡　實在沒法睡
烽煙似就快四起
為何聾不了　怎麼總聽到
誰背我吻著你

REPEAT*

看到9434 0634　看到他呼喚你
用了一整個晚上偷聽你
我卻聽不出轉機
怕會知你隱秘　我最想你
轉震機隱藏你
靜到想哭也怪自己　真不爭氣

細心聽聽，其實呢首個的詞是填得不錯的。歌詞比較屬於”生活化”，所以聽起來很容易使人產生共鳴。而比較特別的分別是用了電話號碼來作歌詞，還有用了”兩點”，”三點”，”五點”來敘述出整個故事，挺有心思呢。

結果...

還是受不住魔鬼的引誘.....走上了這條不歸路........

TAMRON SP AF28-75mm F/2.8 XR Di
(哈哈，DC仔谷到盡都可以玩景深的 :D)

二月了

暫下眼，咁就到左二月了。諗真下，其實年尾真的不是too far away，可以說已經是進入了視線範圍內。前排提起派利是，發覺原來我下年將會要派利是比人了，哈，真的很難以置信呢，唔知將會係邊個幸運兒收到自我出生以來派的第一封利是呢?

想一想，我好像從來都未試過這樣對未來充滿著期望(或者應該說以往的我一向都是活於”現在”吧)。對將要踏入人生的另一個階段，和將會要面對很多不曾經歷過的事，難不免有點兒緊張…但想到自己身邊有一個人(係呀，是妳呀!!!)，正和自己一起去體驗這一切一切，不是很幸福嗎? 我正衷心的享受著每一刻一秒。

沒有甚麼是比能夠找到一個"可以讓自己全心全意去愛的人"更幸福的了。我有幸在我的人生路上，碰上了妳。

有無搞錯呀!!! 唔睇啦 >_<

這是冥界篇第3話的Cap圖:

有無搞錯呀? 呢d乜野製作質數黎架 ? 好一件黃金聖衣慘變做黃色底衫 (仲要係我最鐘意的加隆!!!)!!! 好似有d過份嗎 !? Die Hard Fans 都有底線啦 ! 哼，決定唔睇啦 !!!

題外話，9434 0634 原來係電話來的，聽真其實OK 的~

傻傻的妳

大年初二的晚上，她整晚專心的坐在電腦前，打著一些簡單不過的"Flash Game"...

時不時，她就會傳出一陣陣的傻笑聲，"打呀!!!"，"搞錯呀!!!"，"Yeah!!!"等此起彼落，很投入，很陶醉似的...

很多時候，她就是這麼容易滿足的。

妳知嗎?傻傻的妳真的很可愛 :)

大年初一誕生的小生命 ~

你們四兄弟姊妹要健健康康，強強壯壯地成長呀 !!! 知嗎 ?

P.S. 還有都祝大家狗年身體健康，心想事成。

PPPP.SSSS. 琳琳就最緊要都係身體健康，新的一年繼續開開心心，想果樣就得果樣，一年靚過一年 :D

第一次 Photoshop ~~~ :P

註: 左邊的熊仔叫"ah"，右邊的叫"Oh"。

是妳了

在這世界裡妳可能只是某人，但對某人來說妳卻是全世界。

開始煲書 ~~

今日終於收到呢本被形容為"十個係日本碰到的香港旅客入面，起碼有八個會拿住係手"的日本自助遊天書。略略看過幾頁，又好似真係唔錯，很多資料，我相信有排睇 ~

琳琳今日異常的Grumpy，一陣都係要諗諗辦法tum返佢喇 ~

It's Time For a Change

用左 M$ 既IE多年，唔知點解突然心血來潮，想轉換下。於是便Download了Firefox，哈，發覺又係唔錯喎，個Tapping又真係幾好使好用。我諗係IE 7出之前，我都會Stick with FireFox。講開 M$記，Windows Vista今年年中應該會登場，又要學新野了。我諗而家都係時候找隻Beta來試試。

今個Weekend都過得很愉快，很充實。Saturday終於都去了看Bathroom Furniture，Parnell的那一間Bathroom Studio，靚就很靚啦，但價錢就..he he，一分錢一分貨啦。不過我地一定會繼續盡力貫徹我地"以平常人的價錢，換取上等人的服務"的購物宗旨，哈哈。

農曆新年又就到啦，於是我地去左Show Ground的年宵市場，有好多人呢!!!雖然就唔係行左好耐，但都幾有趣呀 :) 不過唔制呀，食唔到豬扒包>_< 我咁大個仔都未食過呀 !!! >_< 講開食野， 近排我們愛上了玩煮飯仔:P 琳琳泡製的三色牛柳卷就很不錯呢 (琳琳好叻呀)!!! 但個羅宋湯就...個Menu騙人的!!!!

這是今個Weekend 在Trademe的斬獲 - Logitech mm50 iPOd Docking Station:


呢件野的音質，外觀和實用性都比如期好得多!!!加上以超低價從Trademe購入，哈哈，感覺很好。但其實這本身也一件是很好的產品，我誠意推薦比各位 iPOD用家 ~

最後補上琳琳今個Weekend的傑作 - 三色牛柳卷 ~

20-01-2006

忙了兩日，今日又回復平靜。前晚同左EE的朋友去Dinner，講開工作，佢地將我的工作形容為厭惡性行業…其實諗真，都幾的…因為我地落親 Site，唔係Fix Problems，就係 Upgrade，總之就係會為佢地帶來不便…唉，認真吃力不討好。自己公司的人其實對我都好好，尤其是大Boss Graham和直屬上司Steve，對我都很照顧，但始終我還是希望在工作上可以有一個伙伴…起碼可以大家Share下idea，係technical方面可以給我一點Support…現在…當遇到甚麼問題，真係拿起個電話，都唔知可以打比邊個…唉…

婚禮籌備方面，進展相當唔錯(當然是因為琳琳的努力啦…he he)，已經從HK找到了合心水的攝影師為我地當日拍照及拍Video。現在等他Send Contract過來，跟住就OK了。年尾往香港日本的機票亦都Book了(也是琳琳完成的 XDDD)，價錢比想像中低呢，很好，可以慳回一筆 :D

另外，我計過了，如果我想年尾買Seamaster，由而家起每個月要多儲$400 …哈…有可能嗎?

一些我喜愛的歌 ~

這些都是我很喜愛的歌，除了"遇見"，其他歌曲排名不分先後，

遇見 (孫燕姿) – 這是一首很動聽及很有感染力的歌，每次只要是聽到前奏的鋼琴聲，就會有無盡的感覺湧上心頭。這是對琳琳和我來說，永遠都具有特別意義的一首歌。

"我遇見妳 是最美麗的意外 "

相依為命 (陳小春) – 很多人都說小春的歌很露骨，但其實我卻挺喜歡他那種”直接”及”單刀直入”的風格，可能是因為我覺得唱/聽歌是用來舒發情感的，有時不需要太多的修飾吧? 說回來，這首是屬於小春少數的”幸福”作品，唱 K必點。

"年華像細水沖走幾個愛人與知己
抬頭命運射燈光柱罩下來是我跟妳 "

好想你 (徐若萱) – 很喜歡Vivian，in terms of outlook，她可說是一個完美的生命體。現在的她比初出道時多了一份成熟，多了一份女人味，我認為現在的她是最完美的。”好想你”是她最近期的一隻Album入面我最喜歡的一隻歌。歌詞就如同歌名一樣是描述對一個人的掛念。首歌表達出來的情感，並不”山盟海誓”，亦不”驚天動地”，也不會令人覺得”掛得令人死去活來”。相反，所表現出來的是一種很平靜，很親切的掛念。聽起來令人覺得很warm，很平實，很親切。每次一聽到這首歌，都會聯想起我掛住琳琳時的心情。

"(MSN) ~~~ I ~~ M~I~S~S~~Y~O~U~~ I MISS YOU! "

晴天行雷 (余文樂) – 這是一首我挺喜歡，但又只會當是"音樂"來聽的歌。首歌的Style是我鐘意的類型，所以第一次聽到就已經將佢列入"Favorite List"。我嘗試過去明白歌詞的意思…em…但完全摸不著頭腦。最近我已經放棄左去理解呢首歌，索性當它是純音樂來聽就算了。

"晴天行雷 無論是否因此犯綁架罪
回頭就鎖住你 讓我去犯罪 連天都有眼淚"

WTF，我慧根淺，get 唔到。不過真係幾好聽的 ~~~

眼緣 (劉浩龍) – 這是一首輕快的作品，聽起來很令人舒服。我諗歌詞想帶出的是"當愛就愛"的Concept; 雖然明知到這可能是一段苦戀，但還是很勇敢的去面對，繼而從中享受這段戀愛，努力去找緊和珍惜每一刻的花火。近來已經很少這類"正面"的作品了 ~ 無論是作曲，填詞和演繹，我個人都覺得是水準之作 :)

"和你 一起 明知不合理
快樂 日期 如延長下去 問誰想收尾"

野種子 (陳文媛) – 第一次聽是原著的韓文版本，歌詞完全聽不懂，可以說只是被它動人的旋律所吸引。從Kiss的演繹方式我相信這是一首不太開心的歌(後來從它那很Sad的MTV中也證實了，Kiss的唱功值得一讚)。從琳琳口中得知，原來陳Bo Bo的”野種子”就是這首歌的中文版本。這一次，歌詞是聽得明了，但Bo Bo的唱功…em …算吧啦。不過還是覺得這首歌很好聽。

"如信封消失了地址 如昨日我沒名字
自信心遠離時 誰愛這一顆野種子"

繼續遊戲 (Beyond) – 一首大學時代很愛聽的歌，夜晚在街上暴走時必備，有助提升戰鬥力。這可說是那段時期生活的寫照，到了今天有時也會回味那段”玩樂至上”的日子。雖說回味，但不代表想再次體驗，可以說是我進化了 ? 還是只是因為人老了? 但說到底也慶幸自己曾經年輕過，放縱過，無知過，起碼現在的我不敢(也不想吧 …)在Piha走190Km吧? 哈哈，畢竟都是人老了 :P

"差一點訓到天黑 我實在太過不思長進
走出街要最光鮮 看倒後鏡裏我滿面倦容"

男子組 (林海鋒) - 若說"繼續遊戲"是年輕時代的縮影，那麼我想現在的我正步入"男子組"年代吧? 歌裡每句歌詞都是每個步入"三十"的"男孩"的心聲，聽落很有共鳴感。真的很期待和一眾"豬朋狗友"…oops no, 一眾"男子組"一起高唱這歌 :P

"老友咪放棄　放都o徙氣　baby
振振兩臂　拍拍背肌打氣　baby
(力要谷起)　
想當天可以孩子氣　
(未要孭飛)　
今天爭爭氣 男子組靠你"


寫住咁多先，呢d只係我隨意諗起的，其實還有很多其他其他歌是我喜歡的，而對每一首歌我都會有不同的感受。我相信隨著年月的增長，我對這些歌的體會亦會有所改變，而這些感受又會反應出我於那段時期的思想和心情。我很想可以將它們都記錄下來，在未來翻看時，一定會很有趣。

有點累...有點想放棄...

剛知道星矢神話系列將會繼續出落去，繼12位黃金聖鬥士及新生五小強之後...一眾海鬥士都會被神話化...之後還有神鬥士...冥鬥士...真的開始有點令人吃不消了...

加上專家預計今個財政年度會有多項重大開支，國庫儲備將會不斷下滑，(6)消費力相對變得疲弱。專家又指出，如果方有關當局不及時作出針對性的開支調整，整體經濟將會失衡，甚至乎會導致泡沫經濟的爆破。而外界的一般揣測都認為，首項被裁減的會是每個月沉重的星矢金。

所以...我的神話系列計畫極可能會在新生五小強結集後...而告一段落。Huh Huh Huh ;(

Another Step Closer ~

今日終於決定左聘用邊間Photography Studio 為我地影結婚相，日期亦都定了。哈哈，我諗琳琳要真的積極開始她的Keep Fit 計畫了(其實我覺得OK 啦，但她就不停嚷著要減肥，我想這是女人的天性吧...) :P Anyway，當每次完成一件和婚禮有關的事情，感覺都會很好。我會覺得我地好像向又目標行近了一個Step似的，無論是一大步，或一小步，都很有滿足感。

今日在網上跟靚靚表姐談了一會，她說我們的戒子很靚呢!!!我地都未見過實物呀...很想看一看呢...講開表姐，由最初籌備結婚開始，佢都幫左我地唔少，亦為我地提供左好多寶貴的意見，仲不停的"督促"我地唔可以偷懶添:P "表姐，真係唔該晒你呀!!!" 正如琳琳所講，一定要好好報答佢先得 :)

接下來首要的，是決定請帖啦，回禮小禮物啦，婚禮當日的Photo/Video拍攝啦，場地佈置啦，Honey Moon日本遊的行程啦...很多很多...一定要繼續努力!!!

New Toy Has Arrived !!! :P

Ha Ha ...

從前
(約晚上十一時, 女方的電話響起...)
男: 你在做什麼喔?很掛念妳呢! 不如我到你家留下看看你可好?
女: 在看書呢, 找我有事嗎?
男: 喔! 沒什麼, 只是想妳,想聽聽你的聲音 ^O^
女: 今天工作辛苦嗎?
男: 只是有點忙, 但想到妳,什麼累也忘了
女: 那早點睡吧, 現在很晚了, 明天你還要上班耶 ( 約三時)
男: 不, 想聽妳的聲音多一會, 可以嗎?
女: @^^@ 嗯
然後男方依依不捨才肯掛電話 ...

現在
(約晚上十時, 男方的電話響起...)
女: 你在做什麼喔?很掛念你呢!
男: 在忙, 很累,找我有事嗎? (打機中)
女: 喔! 沒什麼, 只是想你,想聽聽你的聲音 :)
男: .......... (無言, 盡是鍵盤聲)
女: 今天工作辛苦嗎?
男: ..........你~~~~~~話~~~~~~~呢~~~~~~~ 日日都咁忙啦~~~~~~~~(不奈煩)
女: HMM........見好耐無同你傾電話,想聽聽你的聲音傾下電話罷了 ^^
男: ...........(一片寂靜)
女: 喂喂?
男: 在.........
女: ........
男: .......
女: 你點解唔出聲既?
男: 無野想講........(很忙碌的鍵盤聲)
女: 嗯.....那早點睡吧, 我知你很累了, 明天你還要上班耶, 不要太晚睡喔, 對身體不好 (極度失落)
男: 嗯 (冷冷的回應夾著不奈煩的聲響) .....
女: 晚安......
男: (咔咔) 巳掛掉電話
然後女方才失落地放下電話....(約十時零二分)

* From Forum

無驚無險，又到三點 ~

很好，已經三點了，還有兩個鐘就放工，因為多得今日有幾單call-out job。I like “call-out jobs” because they make the time goes faster, and also for most of the time they give me a sense of satisfaction (of course only applies for those jobs that I can accomplish).

Let's Do It !!!

I know it's tough, but we do need this extra 50% of saving !!! Add Oil Ah Son !!!

Hey Love, 值得架 ;)

星矢冥界篇前章短評

係滿心期待下，看了05年12月剛在日本放映的"星矢冥界篇前章"的第一，二集。Comments ? 三個字 – 好 . 失 . 望。無論是從畫功，配樂甚至到編排都是水準之下。整體感覺就像製作得很匆忙似的，完全係缺乏誠意之作。嘗試過問自己係咪之前期待過高?或者是要求太高? 但我又覺得唔係囉。前作”冥王十二宮篇”中的華麗CG背景，精彩的戰鬥場面，各人超酷的”現代化”造型， 在新作中完全找不到…取而代之的是生硬的背景，像小朋友打架般的戰鬥場面 (我最愛的雙子座加隆的出招場面，簡直是慘不忍睹…恆星爆裂拳慘變成 Golf 波波拳… 星矢的招牌天馬流星拳更加是笑死人…)…還有角色走樣頻頻 ，情況嚴重…而當中我最受不了就是偷格的問題，係每一集，都會經常有一些6，7秒的場面，整個畫面都唔會郁，淨係得d人物個嘴係到郁…感覺就好似睇緊有配音的漫畫…真係唔知呢d係咪就係東映所謂的將星矢漫畫”動畫化”。畫面上色亦很差勁，打陰影就慳得就慳，這是小學生填色比賽嗎 ??? 抵鬧 !!! 不過新配音人員的表現可以接受，唔錯唔錯。

可能你地會覺得我很挑剔，但我相信如果你地有睇過"冥界前章"，都會認同我所講。OK，有人話唔應該將佢同之前的"冥王十二宮"比較 ，因為"冥王十二宮"始終是 OVA，有較多的製作成本; 但其實就算將"冥界前章"跟其他比較近期的TV動畫例如 Gundam Seed Destiny，質數都仍然係差一大截，一拍埋就令人完全覺得呢兩套動畫的製作年份起碼前後差左5年。我個人覺得"前章"的畫面質數甚至乎比"Keroro曹長"這類劇情取向的動畫還要差勁! 唉，so sad !!!

不過講到尾，我都會繼續睇落去，因為就算點差都好，有得睇點都好過無得睇。哈哈，我都覺得自己好唔掂，又要睇，又要鬧，鬼叫自己係死硬派星矢迷咩, 真係無得救 !!! 哈哈哈 !! :P

結論 – 完全是Fans向作品，係星矢迷既，就一定會睇。如果唔係星矢迷既，就算唔睇都唔會有損失。

唔想返工

個新年假終於放完了,又要返番工了。我的兩個Boss 仲係On Holiday,再加上我自己又未完全收拾好心情，所以個人仲係好似雲遊緊咁，完全入唔到mood做野,不過我諗過多幾日就會回復正常。

呢個假期都過得好開心，最難忘的莫過於和琳琳同她的屋企人去旅行啦 。其實我都好耐無去過這類”家庭式”的旅行了。唔知點解，這一次我竟然覺得有些新鮮覺，可能是因為這是我第一次這樣強烈地從不是我屋企人的人身上，找到了一種像是一家人的感覺吧!?，很warm 呢 !!! Auntie和Uncle 對我真的很好呀，照顧真的很周到，我真的很enjoy這幾天的旅程，多謝您們 :)

另一件令我覺得特別的事情，就是在Christmas期間，我心血來潮的走去買了聖誕禮物比我的Dad and Mum。哈哈，我都唔記得我對上一次送聖誕禮物給他們是幾時了…發覺人越大，就越希望擁有屬於自己的生活，但同時往往就忽略了自己身邊的人。這幾年來，我地屋企的Bonding進化到了另一種型態，大家都經常各有各忙，見面的時間變得很少，一家人坐在一起的機會，也比以前少了很多很多。但其實這也不失為件好事，因為這證明我地都找到了自己想做的事情。加上見面時間的減少，可能反而令相處的時間變得更充實。哈哈，以我們家中每人奇異的性格，加上當中微妙的關係，這可能就是最好的相處方式。但我仍會珍惜每個見面的Chance。

今個假期琳琳和我做了很多DIY呢!!! 成果都好好，而當中全部都是我的第一次呢 :P 佢地分別有DIY Tiramisu喇，Canvas喇，日式Curry Rice喇 :D 哈哈，原來好多野都係可以自己整的，而且製作的過程也很有趣呢 !!! 加上一邊做，可以一邊dea琳琳，哈哈，很溫馨的 :$ 但製作過程中，一定要萬分小心的! 因為我見證到，如果稍有差池而出了錯誤，是會導致琳琳超級大扭計效應的 (扭得很厲害的啊!!!! Poor Auntie…) !!! 哈哈，但其實扭得黎又很可愛的 ;)

05’的Christmas，in terms of present 可說是非常豐收呢!!!琳琳係不知不覺的情況下(妳古惑了!!!)，從HK訂購了一對對裝鑽戒來作X’mas Present !!! 對戒子很靚的呢，設計是屬於我地喜歡的簡單類型，但又不失Character，琳琳，果然是Nice Pick !!! 收禮物的過程也很”特別 “呢 :$ 而我送比琳琳的禮物，雖然唔係好特別，但我真的很喜歡”一對對”的concept :) 希望妳鐘意啦 ~~~ 另外，我再買了一份重量級的禮物給自己，就是一部 Canon 350D 相機。當然遲d仲要配番支合適的Lens，但都係會等到自己熟悉了部機，清楚了自己喜歡影甚麼相(其實 99% 都是影琳琳的:P)，和技巧有番咁上下，才作決定。其實當前最需要upgrade的，就是我自己的攝影Skills…如果唔係就會變左得物而無所用了。唔得，一定要好好努力練習，多作嘗試，咁年尾就可以去日本影多d靚相喇!!!

小勞作

琳琳和我一起製作的Canvas，很有趣呢。它們將會在我們新居展出 :D

新的一年

又一年了，紐西蘭的時間一向也是過得很快，而05年就好像過得特別快似的...我想是因為過得很充實的關係吧。對我來說，05年可算是多采多姿的一年，從大大小小的事情當中，確實是體會了很多。不敢說自己從中成長了，但可以肯定的是，對很多事情的想法都會跟以往有所改變。05年亦都是我人生中很決定性的一年。在這一年，我們作出了一個很大的決定；在這一年，我對一個人作出了一個一生的承諾。

相比之下，我相信06年不會比05年有任何遜色之處。這將會是很忙碌的一年，一方面要籌備婚禮，另一方面亦要跟進起屋的Project。對我這個不太有條理的人來說，要有效率地完成各樣大小事件，確是一個很大的挑戰。幸好，我身邊有一個可靠，而且強而有力的伙伴，只要我地可以分工合作，互補長短，一定無問題的!

令人期待的一年，終於來臨，I am ready喇，妳呢？

:$

請原諒我很多時都不懂怎去表達我對妳的關心和緊張 :$

仍能情深愛上

為何這樣　為何竟消失方
向為何心裡　消散是這度牆
沒法解釋失落失神
心理邊　有點慌張

為何這樣　為何竟偷偷戀上?
完全因妳　使我換了立場
逝去戀火如今再度高漲
感謝妳 重新的把我欣賞

情令我愛我痛我感觸　不敢回想
舊日舊事舊創傷　改寫情感的方向

此刻人迷惘 無法自拔　跟妳戀上

回味與妳碰上再點起　初戀幻想
像是造夢又似真　只想能找到方向
感激尋回了　仍能情深愛上

2006 World Cup Draw

06 年World Cup分組抽籤已經完成 !!! 頂 ~~~ England 又再一次抽中(宿命論???)它的終極黑星 - Sweden >_<... 一隊過往無論係World Cup，Euro Cup都令England 吃盡苦頭的球隊... 至於Paraguay同Trinidad & Tobago，England如果發揮正常，要贏應該唔會太大問題。嚴格黎講，我覺得算係抽枝中籤啦。呢屆將會係Becks最後一屆出戰World Cup，加油呀 !!! Go !!! Three Lions !!!

至於要數今屆的死亡之組，非Group C 莫屬!!! 阿根廷，塞黑，橙色力量同象牙海岸...haha，真係要買定花生等睇戲 :P 不過阿根廷就真係黑仔，明明係Top Seed，但次次都係抽入死亡之組...祝佢地好運。講開好運...真係唔抵得Germany!!! 已經係主辦國，已家仲要抽到枝超級上上籤!!!無天理呀!!!我好憎德國國家隊的(但卻最愛德國車:P)，由心底裡厭惡呢隊波!!!可能因為佢地係England的死敵吧 :P (He He，係架～我好唔理智架~)

至於其他組別，Brazil應會無乜壓力下出線，日本仔就要睇下好唔好運，偷唔偷到雞啦。Aussie，加油啦，雖則我就對你地無乜期望，但話晒你地都係我地大洋洲的代表球隊，所以我都會衷心支持你地的:)

Italy果組都幾死亡...捷克實力強橫，打大賽亦交足功課，美國偶有佳作，非洲冠軍Ghana亦有Essien坐陣...以Italy一貫大賽比較慢熱的習慣...絕對有可能未warm up，就已經可以book機票返祖國。

Group G... 無錯，我話o既!!! 法國將會再一次係分組賽黯然出局!!!如果無估錯，面對十分穩陣的Switzerland，拼勁十足的韓仔同Togo(其實呢隊我完全唔識，無睇過，但我覺得法國對非洲波必死的!)，France將會得到2和1負的佳績 :D

Portugal 都算抽得唔錯，實力上比起其他隊伍有一定的優勢，但要出線，都係要佢地自己生生性性。Last 係H組，正路就應該係Spain首名出線~ 但Spain打大賽會嚴重失準的事實，人所皆知...照計同組得幾屆都毫無驚喜的突尼西亞and"超級魚腩部隊"沙地阿拉伯...好難出唔到線吧 ??? 不過我會tipUkraine做首名出線~~軍刀Shevchenko將會插破Spain的防線 :P 不得不提，有趣的是...之前幾屆Spain係外圍賽都係全勝，一副強者的姿態進軍決賽週，但之後就會係決賽週雲遊，跟住火速出局...但今年，佢地係外圍賽異常struggle，仲要打附加賽先出都線，唔知...會唔會係有d乜野啟示呢:P

揭幕戰將會係9 Jun 2006, Germany vs Costa Rica

真的真的好期待06 WC的來臨...

哈哈，真係暫下眼，又四年了...四年又四年...人生又有幾多個四年?　

四年前的我是怎樣的? 四年後的"我們"，又是怎樣?

Good Luck to 琳琳 ~

琳琳而家係 Uni 考緊試 ~ Good Luck 呀 !!! :D

Bye Bye Europe

"The days of those marvellous United fightbacks appear to be finished and it is bound to be asked whether Ferguson is too. "


就好似人一樣...球隊都有三衰六旺...今朝曼聯作客 0-1 負Benfica，於小組包尾出局，不僅UEFA Champions League出局，亦同時喪失進入UEFA Cup的資格，即係今年已經緣盡Europe。

我係由92年開始睇曼聯，係對上既9年，球隊係UEFA Champions League knock-out stage的常客，對於小組出線，我地作為Fans的，已經習以為常。無可否認，球隊呢兩季的實力已經明顯倒退...表現亦都完全缺乏說服力。新球員確是引入了不少, C.朗...Saha...Ferdinland...A.Smith...Rooney...所花的轉會不菲，但當中有幾多個算得上是成功收購，我相信各MU Fans都心中有數。

近年來關於曼聯內外的負面新聞可說是不絕...先是球迷強烈返對美國Glazer家族對球會的收購行動(最後也是成事...可憐MU現在要為"新班主"負上沉重的債務...)... 之後是球員之間傳出不和...繼而隊長堅尼的離隊...Heinze(呢兩季MU最好的收購 )的整季傷出...球迷對領隊費Sir的不滿聲浪日益增加...車仔在聯賽的獨大...球隊的狀況，可算是處於水深火熱中...

至於今朝對Benfica的UEFA賽事，可說是球隊的新低點吧，我有睇晒成場LIVE match，雖然身為曼迷，但也只好說句優勝劣敗...無論是球員的表現和心理質數，領隊的調動，都令人很失望...Rooney，C.朗又再一次證明佢地踢唔到逆境波，尤其是Rooney，last 果20 mins佢可以話係亂來的，死衝難衝...我覺得佢真係要學下點樣用個腦踢波。雲佬...成場波都隱左形，但都唔可以太怪佢，因為佢一向都係屬於很需要有中場傳送的前鋒，他出色的在於埋門的一腳...但以MU現在的中場效率...他得到的支援，可以話係非常有限...如果無記錯，佢今朝好似未得到過一腳似樣的傳送，亦未作出過一個射門...死未 ?

中場球員...哎...死症...係Newsgroup Forum都已經同人討論到厭...A.Smith打防守中場? 得啖笑。Scholes，Giggs年事已高，跌晒Watt...打5場先交到一場功課，我諗淨係得費Sir先相信佢地仲係有三冠時的水準。Fletcher? 呢條廢柴有得踢正選真係令人費解!!!實力平庸得無話可說，基本功亦唔見得好，再加上絕慢的速度和單薄的身型!!!佢能打正選真的是一個迷!!!掉返轉頭黎諗...MU呢類大型班，要搵呢d球員踢正選，足以證明球會狀況有幾灰啦...o畏，費Sir，你咁落去...真係唔掂呀...唔該你係一月Transfer Window搵d比較有質數，有class的中場球員返來...我地預左今季會四大旨空...但至少...都希望你地可以踢幾場好波比我地睇呀...唉...心痛...!!!

仲有無得抵賴 ???

10. 經常用 Statement 來威脅人 !!!

結論: (a)是奸的!!!

>_< ~~~~~~~~

心情差到了極點 !!!

還欠2彈 !!! 最強の黃金12人結集 ~~~!!!

一生只要一次的經歷

看見妳臉上兩行長長的淚痕，雖然妳口裡說著只是因為心痛我流了很多血，其實我也是估計到事情的嚴重程度。我已經開始漸漸感覺不到自己的體溫，相反妳的手心卻是無比的溫暖，我等這一刻，等這種令人回味的感覺，已經等了很久。在病情開始惡化之後，我便覺得很累很累，但在妳回到醫院之前，我怎樣也不肯閉上眼睛休息，因為我很想再見見妳，很想可以再次實實在在的感覺一下妳。我怕，我一閉上眼就會永遠失去這個機會。臨進入手術的前一刻，妳說妳愛我，妳會等我。記得由碰見妳的一天開始，我不曾見過一個如此迷茫，徬徨無助的妳。在妳的臉上，掛滿了憂心...和悲哀。我答應過妳，會永遠帶給妳快樂和要妳開開心心的生活...但這一次卻自私的要妳成為這種只會出現在電視劇的老土橋段的女主角。我覺得我自己真的失敗了。那一刻我對自己說，我怎樣也不可以有事的，因為我終於清楚體會到，我的生命，已經不再只是屬於我一個人的。琳，我愛妳。

別了 ~

你是魔鬼，但也是最好的知己，

你永遠也是無言地，
和我共渡每個歡樂的時光，
當我失意時，
你總會靜靜地聽我細訴每椿心事，
而你的無言，往往就是我最想尋找的答案。

然而，終有一天，我會因為你而走進一個萬劫不復的田地，所以 ...

老朋友，別了。

足球，戀愛 ? 球迷心聲 ~

係足版睇到一個很有趣的Post:

P.S. 曼聯琴晚破了車仔今季聯賽的不敗身。

"本以為好穩定地沉淪, 現看來開始海鮮了
就好似熱刺迷同利迷咁, 一年贏幾場漂亮勝仗就開心,
球迷心態已徹底改變
球隊已水深火熱, 冇得救,
聯賽已經絕望
贏榜首隊又有何用

昨晚我沒有看球賽, 可能已經冇晒睇足球的熱情
唔知仲算唔算曼迷

就好似戀愛咁, 今日追到個女仔, 但好快又會散
那我們還應該開心追到個女仔嗎
我們還應該追女仔嗎
一直平靜好, 還是有喜有悲好

可能近年買得波多, 知道感情用事係阻礙
慢慢對足球已失去熱忱,
曼聯贏, 沒有十分意外, 沒有一點快慰

為何我會變成這樣"

老婆仔~

喜歡妳瞭解我的心底 也喜歡妳漸漸靠近身影
漆黑夜裡 如影隨形 喜歡妳呼喊我的聲音
也喜歡妳漸漸微笑眼睛 不同回應 如此親近

慢慢流露感情 慢慢埋痕跡 緊抓著一切甜蜜
就算心不在意 不過是驕傲裡去
看星星 聽下雨 我已開始想念妳

喜歡妳永遠不變深情 也喜歡妳像孩子般無心
願意為妳 沒有距離 喜歡小小車上的擁擠
整個世界彷彿凝聚冷靜 惦記著妳 喜歡著妳 屬於妳

只要仍是生存著，
我的心也是屬於妳的。

還是覺得妳最好

誰可比妳好 能撥盡迷霧
煩擾於心中的　妳都知道
我壞或好 不求回報
容忍 懷抱 仍醉倒

誰可比妳好 能日夜同步
能著每套衫也似是名模
提著不懂事的我漫舞
任何事也可以傾心盡訴

Here You Go !!!

1) Feel到有野，但扮無野
2) 搵下人又唔搵下人
3) 搵藉口K.O.人 ，藉以將主導權落入手中
4) 但又繼續搵人，動機不明
5) 會報仇的
6) 食左人　
7) 裝作善良，其實滿腦子鬼計　
8) 很百厭
9) 比我奸
10) 莫雖有

New Zealand Knights

上星期五晚琳琳要出席她公司的BBQ，所以我就走左去North Habour支持下NZ唯一一隊Professional Soccer Club - NZ Knights。今次雖然係我第一次入場睇Knights Live match，但其實之前係Sky都睇過佢地幾場波，所以對佢地0既表現都無乜期望，純粹係好耐無睇過LIVE match，想現場感受一下d氣氛。眾望所歸，我地係主場被大炒4:2，無所謂啦，都預左，最緊要場波有波入 :P 不過都係要鬧下d球員!!! 個龍門，廢的，成場都甩手甩腳，基本上個波中龍就入。條中場線，又係廢的，成場隱晒形。前鋒，都係一個廢字可以形容晒。成隊波踢起黎係完全無Form的...真係唔怪得開季以來，能夠得到10戰1勝9敗既佳績，GO Knights，our country is so proud of you !!!

Blog, 再次起動 !!!

好耐無update個Blog了，懶得很。工作上，渡過了兩個忙碌的星期，成日走來走去，令人覺得很疲累。唉...跟住來的Sat, Sun仲要O.T. ...即係要連續12日返工，OMG。

前晚見到琳琳穿起了剛從HK寄來的婚紗，真的很美...每次見妳穿起婚紗，都會有種很難形容的感覺湧上心頭...its a mixture of 幸福，甜蜜，期待，緊張，難以致信..."眼前的這個女孩，就是我的妻子，亦是將會和我一起過下半生的人。"

Kitty Au

To Kitty,

對不起，在未有得到你的同意之前，我地就私自奪去了你生存的權利...但希望你明白，我地咁樣做係為你好的...我們真的不忍心看著你繼續suffer落去...

唔經唔覺，你成為我地區家的一份子已經有十年，你的出現為我地帶來了很多歡樂和溫馨的moment，我都希望你也enjoy和我們一起的每個時光。Kitty，你永遠都會是我們的一份子，我地每一個也會永遠懷念你。

希望你係另一個國度，都會開開心心的生活...如果你下世也是做貓貓的話，我也希望你可以做一隻幸運的貓貓，一出世就有人錫，有人照顧，唔使好似你前半生咁到處流浪。

Kitty，我們永遠懷念你，祝你永遠幸福快樂。

Ericson

哈哈 ~~

咁係咪代表我跑得比琳琳快 ??? :P

還是妳有心慢下來等我....?

多謝妳 ~

我一直也渴望得到一段簡單而穩定的愛情生活，兩個人互相依賴，信任和尊重。一起的為未來而努力，一起的去體驗人生。我相信我已經找到了，多謝妳。

Huh Huh Huh ... ; (

我好掛住我的老婆仔呀...真係好掛好掛好掛好掛...好想快d到今晚...好想可以快d見到妳...

Road to Germany 2006

在主場擊敗Austria後，England已經成功確保了06年世界杯決賽周的一個席位 :D

YEAH !!! Go Becks !!! Go England !!! Road to Germany 2006 !!!

平平無奇的一天

今日又再次無Call-out，只是Answer了幾個Service Call，但卻有做不完的in-house works和Paper works，總不算是很頹廢的一天。

知道琳琳今日因為工作上唔係太順利而有點Upset。她是一個做事很認真，和對自己有很高expectation的人，所以老實說，當知道她因為工作上的問題而upset，我並不感到很意外。雖然我不知道妳遇到的問題有多困難，甚至就算知道了，我也幫不了甚麼忙...我的人生經歷不是很豐富，口子也說不出甚麼大道理...但只想妳知道，無論發生甚麼事，我都會係身邊支持妳的。請讓我去做一個靜靜的聆聽者，讓我一起去感受妳的心情。

Cheer up MY LOVE

何妨讓困倦身心休息再衝線
悠然度過冷戀晝夜陰天晴天
無窮遼闊世界到處總有發現
解開腦袋死結
明晨重新一天　輕鬆作戰

難題遇上　碰上了挫折　背脊插滿箭
索性放個假再算　
不必像螞蟻似亂鑽　 每秒也預算
自信可找到歡笑的起點　陽光永遠甚暖

別白廢心機的兜圈　撤退了戰線　
痛快放個假再算充充電改變我路線　
總會有路轉　
重拾自己快樂信念 為何垂頭憂鬱裡打轉 ?

勁貓 Happy Birthday!!!

今日係肥仔勁的7歲生日~ Happy birthday 呀勁貓~ 希望你一直都會健健康康咁成長，在 Miranda 繼續開開心心的做山大王!!! I Love U ~

哼 ~~

妳一日唔講究竟係幾時，我就一路扭計 ~~~~ >_<

終於返到屋企了 ~

今日成日都好掛住老婆仔呢...感覺上就好似好耐無見過佢咁...唔知係咪同琴日無乜interaction有關呢 ?

好想快d見到妳呀!!!今晚一定要攬到妳好實先得!!! :$

; ( ~~~~

琳琳去了上堂....我自己一呆在家中....

很想妳呀....唔知妳有無掛住我呢 ?

Yee Ya ~~~

琴晚很Sweet啊 :$

每隔兩秒我都想起妳 ~

如時針　愛念每刻運行
每一秒一分　仍在構想入神
夜裡夢裡真愛來臨　
日裡未有發生

仍狂想　這幻覺多逼真
聽到妳聲音　猶像置身白雲
是我未壓抑的興奮　令我樂意傾心

每隔兩秒我都想起妳　
但我不懂使你心歡喜　
每隔兩秒我都想起妳
完全忘掉了自己

愛會變成真　兩分鐘的熱吻　
成為現實愛人　誰願夢裡白等　
愛那有原因　兩心只須合襯　
然後慢慢兩人　情難自禁　
再熱吻

人情深　我是過於天真
不去關燈　全為怕這黑暗
願妳夜裡給點指引　
共結伴過一生

短但愉快的Weekend ~

暫下眼，個Weekend話咁快就過左...不過呢個Weekend卻是過得甜甜的~~星期六我地"例牌"地去了新城飲茶，哈哈，看來這已經成為我們的一個習慣了:) 食飽飽之後，我地到左Cornwall Park，因為琳琳想試下學搾Manual Car，哈哈，佢Pick Up得很快呀!!!琳琳果然係一個Smart Gal :P

跟住我地就入左去Miranda，去探我心愛的勁貓和我家的兩位新小成員 - Mocha and Twink ~ 哈哈，佢地係咩?咪就係兩隻可愛的小豬仔囉 :P 佢地真係好可愛，好搞笑的!!!成日都笨下笨下咁係到叫，行來行去:D佢地比想像中dea人呢。看見琳琳很開心的同佢地玩，我都覺得很開心呢 :D琳琳，妳知嗎?妳當時個樣好天真，好可愛呀!!哈哈，就好似d豬仔咁!!!不過又係o既，因為妳都係豬，係我的老婆豬:$

P.S. 勁貓又肥左了!!!

留左唔係好耐，我地就返左出Auckland。我地之後去左高家餃子吃晚飯，雖然高家搬了地址，但果度對於我地兩個來說，永遠都會有特別意義的，是嗎? 食完飯我地就返左屋企，肩並肩咁上網 :P 無耐就分別咁跳左上床了~~~He He, 之後有人忍唔住呢~~邊個呢邊個呢 ? :P

至於琴日，因為Daylight Saving的關係，再加上琳琳愛睡的本性，起身的時候都已經是11:30有多了:P接到Auntie Uncle 的電話，於是我們到了Howick Join 埋一齊飲茶，又要Auntie Uncle請飲茶了 @_@ 下晝我地就到左Noel Leeming看電器，看到了一個很Nice的Plasma Screen呢!!!當然...價值亦係不菲啦:P 不過我地既注意力...慢慢由Plasma 去左一些Home Appliances度~ 哎也，真係發覺淨係要買齊一些基本的Home Appliances，都已經要很多很多錢了@_@呀!!!真係要再比d心機做野先得!!!

P.S. 琳琳，呢個Weekend我過得很開心呀!!!希望妳都覺得一樣啦!!!

開心甜蜜的一晚 ~~~ :)

我地今晚去左"錦"吃了一頓豐富的晚餐 :D
哎也~~~~點解同妳一齊，成日都會覺得甜甜的???
好野，一陣可以攬住妳訓 :$

呀~~~~老婆仔，我好鐘意妳呀!!!! :$

心有靈犀 ~~

好野!一陣放工返到屋企就會見到老婆仔啦 ~~~ 很想呢個鐘快d過呢 ~~~

突然間心血來潮想去"錦"食Dinner，於是問琳琳有無興趣，睇黎佢都好似好Keen喎 ~~ 我地算唔算心有靈犀呢?:P

終於到星期五了 !!! And it's Pay Day Too !!!

我又再一次知道...

原來我是很愛很愛很愛很愛琳琳的... :$

苦等了五年...

琴晚係星矢谷睇到了一個令人振奮的消息，就是日本方面已經鐵定於12月將星矢冥王篇繼續動畫化!!!自從冥王十二宮篇之後，我地一眾星矢迷已經苦等了五年...我相信好多FANS會和我一 樣，感到非常的興奮吧! 下面的宣傳照係轉載自星矢谷...



叫得前章，就即係會有第二，三or後章吧~~~ 前章的故事內容，當然係會由星矢一等人進入冥界開始，至於會講到邊...em...一般估計都會係either當阿瞬被Hades上身 or 黃金之十二人復活於歎息之牆吧(真的很期待這一幕，最強的黃金十二人!!!)，因為這樣的話故事會比較完整。最令我興奮的，莫過於是我最喜愛的角色 - 連神也欺騙的男人 - 雙子座的卡隆，將會有很多的出場機會 :D 一想到他橫掃冥界，一招"Galaxy Explosion"就K.O.五六件冥鬥士的情景，真是大快人心!!!不過...很不想見到他和三巨頭同歸於盡的一幕呢...很sad (每次我看星矢漫畫，都會Skip左果幾頁唔睇的:( )。

冥王篇的繼續動畫化，亦都暗示左聖衣神話係列將會繼續出落去...哇...睇黎真係長買長有...唔通...星矢金真係要供一世的? Anyway，即管出啦，我多多都受得落，加上琳琳都Approve左星矢呢條Product Line的:P 呀~講開聖衣神話，我都未Post過佢地的Picture，等我遲d影d靚相，Upload上黎先!!!

真的很期待十二月呀，我阿臣感覺到呢一個Moment，要爆啦!!!!各位FANS，快d燃燒你地o既小宇宙，領悟出你地o既第八感，一齊準備向冥界進發啦!!!!

This is for you, Love.

You're always on my mind 　
All day just all the time 　
You're everything to me 　
Brightest star to let me see 　
You touch me in my dreams 　
We kiss in every scene 　
I pray to be with you through rain and shiny days

I'll love you
Till I die 　
Deep as sea
Wide as sky 　
The beauty of our love paints rainbows 　
Everywhere we go 　
Need you all my life 　
You're my hope
You're my pride 　
In your arms I find my heaven 　
In your eyes my sea and sky 　
May life be our love paradise

英超呀...英超...

點解曼魚可以主場輸比暴力般架 ...
阿記就傷兵滿營...利記就繼續海鮮...車仔獨大了 !!! 唉 ~~~

很害怕有一天 ...

每段愛情也經歷過這種開始...
很害怕有一天...
她不再愛聽我說話...也不讓我進入她的心...

愛情可以令人很迷醉...同樣地也能令人流血不止...
真的很害怕很害怕有這一天...

一個喜歡說話的人

我是一個很喜歡說話的人,尤其是對著我所愛的人。

我很喜歡告訴她，
我今天做了什麼，發生了什麼事，看到了什麼，遇見了什麼人...
我很喜歡告訴她，
我有多想念她, 我有多愛著她...

我也很喜歡聽她說話,
很喜歡聽她的聲音,
很喜歡她對我說她今天可有想起我,有多麼的掛念我...

喜歡聽她說她的故事,
喜歡聽她說歷史，說將來，

喜歡她讓我分享她的想法...和她的內心世界...

What a Weekend !!!

剛剛過了一個很難忘的Weekend，因為，琳琳的家人和我家人終於正式的見面了。

係星期六的下晝，我和屋企人一起探訪了琳琳的家。當大門一打開，琳琳和我分別介紹了我們的父母，跟住他們閒話了一輪，琳琳就帶我的屋企人去參觀她的大屋。記得其間Fiora(My sister)不停的在說 "間屋很大呀!間屋很大呀!"(正一鄉下妹!!!):P 哈哈，或者對於我地呢班住開舊屋的人來說，這類大型新屋對於我們來說真的是太新鮮了(我記得我第一次去琳琳的家，也有相同的感覺呢)。之後，琳琳的媽咪就為我們準備了名茶和蛋糕，Auntie真的很Nice呢:) 起初還有少少擔心呢個聚會會唔會有冷場出現，又或者會唔會人人都會表現得很唔自然...但後來發覺，其實這些想法都是多餘的了，因為，他們看來都相處得很融洽呢 :) Phew ~~~

Dinner我們到了聚德軒，我們點了很多菜式呢，有填鴨啦，魚啦，龍蝦啦...很多很多，很豐富的一頓晚餐 :) 雖然之後發生了一件很不如意的事情 (就是Dad的愛驅被人破窗而入了...佢地個個也損失慘重呢...:( )，但無辦法啦，唯有將這看成一個少少的教訓啦。不過不幸中的大幸是，今朝Mum收到一個電話，說他們拾到了Mum的Dairy，這真是一個天大的喜訊呢!!!因為...Laptop...DV..其他野都可以Claim返，但Mum's Dairy入面的資料，無了就是無了...還記得之前Mum因為失去了本Dairy，那無奈的表情呢 ~ Anyway，而家搵得返，真係太好了:)

如果不是發生了這件事，今日真的可說是完美的一天呢 ~ 不過從另一面睇，或者咁樣會令"這一天"更加的難忘吧。

琴日我地又到左新城飲茶，看來，這已經成為了我和琳琳每個Weekend必做的事情了:P下晝沒有去甚麼特別的地方，或者做甚麼很特別的事情，要數的我們到了一間專買Art用品的Shop，目的是看看有沒有一些適合用來做帖的Materials。講起帖，琳琳Come up 左好多很好的Idea，她的Idea都很Innovative，現在就是要諗諗怎樣去Implement個Design ~~ 哈哈，相反地，我覺得我近來個腦好似發了霉似的...很久沒有在我的思想田園灌水了...而且這塊田園還生滿了野草呢...哈哈。晚上，我就再次打搞了琳琳和她的屋企人，一如以往，Auntie做了一頓很豐富的晚餐 (Auntie，真係唔好意思呢，成日都黎打搞你您地)。飯後，和Auntie Uncle 傾了好一陣計我，我相信這段談話是自從認識Auntie Uncle後，最認真深入的一次了。他們說出了他們對我的期望，我也說出了我對這段將會發生的婚姻的看法。Auntie Uncle，請您們放心，我一定會一直好好的照顧和愛護琳琳的，這不單是我對您們的一個承諾，這亦都是我對琳琳，還有對我自己的一個承諾。

因為車子調動的關係，琳琳琴晚都過了我的家裡。返到屋企都已經9點有多了，但我們還是在網上Chat了好一陣子 :P 哈哈，真的很Funny，雖然我地是sitting right next to each other，但我們也是不停的在MSN Chatting，我相信，MSN Chatting已經成為我地之間溝通相處的一種方式了。

琴晚說聽了琳琳說出她自己的一些感受，唔知點解，自從係HK返黎之後，感覺就是有丁點丁點的怪怪了，我唔知係因為甚麼，但我Sense到自己的心底裡有一點點的不信任感覺正在萌芽???I dunno how how to describe it...我都唔知咩事...something is bothering me and I can sense it。It's dangerous...

今日又是頹廢的一天 ... 繼續做我的冗員 ... 繼續打我的Blog ...

好震撼呀 !!!!

8 GB of RAM !!!!!

每插一條時，都有無限的快感 !!!!! 可唔可以"盟"晒佢地再插過呀 !!!!!

Boring Day.....冗員之最.....

做了1個 JOB...
Go through 左2個MCSE Chapter...
Shu Shu 左3次...
飲緊第4杯咖啡...
幾時先到5點呀...

我就悶死了...

我諗我都算係冗員之最了...

Finally it's Friday ~

終於到星期五了，可能因為工作上不是太忙的關係，所以覺得呢個week比上個week過得慢。琴晚真係訓得好凜呢...本來諗住send sms比小天使的，但個message打到一半，我就被睡魔捉走了...一睜開眼，就已經係第二朝了:P 琳琳，七十九個星期快樂呀~希望快d到今晚啦，好想可以快d見到妳呀~~~

o岩o岩Richard(he is one of the salesman in Connect, he always has two ways to do things:P) call 我，話我知個Client要我upgrade個"My first ever rack mount server"既RAM到 8 GB!!! OMG, what the hell they need 8 GB of RAM for ??? I have never seen a PC has more than 4GB of physicla memory installed... ok ok... now I can say SHE IS REALLY REALLY HOT !!!!!

隨想 ~

享受和珍惜自己所擁有的，不要埋怨自己所沒有的。

First Timer ~~

This is the first rack-mount server that I have ever set up. And it is quite a powerful one too (Well, I would say she is hot, but not a state of the art machine). Hope things will go well la !

This little beast is heavy !!! It weights more than 20KG !!!

My Workdesk ~ What a MESS ~ : P

This is my workdesk ~ On the left is my little Windows Server 2003, I use it as my learning and testing station. The laptop sitting in the middle of my desk is my entertainment centre :P He is my best mate in the company. The ugly workstation on the right is just a testing station, its an AMD machine with lots of cooling fans on it, it is one of noisest machine on earth. I will get rid of it at some stage.

Ha ha, I know its a mess, I will tidy my desk up at some time..... oh well. Ha ha :P

P.S. Lam Lam: See the pic on the wall ? :)

發了一個有趣的夢 ~~~

琴晚發左個好長，好有趣的夢... 案法地點係NZ cross HK。夢既開始，係紐西蘭一個陽光普照的早上，我正為一場足球比賽而作出熱身(記得當熱緊身既時候，我仲不停諗唔知我既體力足唔足夠完成整個賽事。很Logical呢，因為屋企人岩岩買左個跑步機，我臨訓前玩左陣，發覺自己的體能真係差左好多...)。記憶中好耐都無發過同落場踢波有關的夢，唔知係咪同琴晚聽住林海峰的"男子組"入睡有關呢...同場踢既，有我係AGS既隊友，亦有好友劉生葉生(諗返我地隊波好似係多過11個人的XDDD)...不過呢ｄ都係意料中事，因為我多數踢親波，都係同佢地一齊。但最經典的都是...em...em...Beckham 係我隊友!!!!佢又真係幾好波喎，但唔知點解佢係打左後衛...?_?左腳的Beckham ??? 無記錯既話，我係打進攻中場:P其實，我一直都很渴望能成為一個出色的進攻中場的, hee hee，可惜事與願違。完場後，我同Beckham交換波衫 (同自己隊既人交換...?_?)，佢同我講如果要晉身職業足球，就要比d心機練波。

夢入面，當然唔少得琳琳啦，佢一直都係場邊睇我踢波。佢仲係比賽途中，還打電話給我(我踢踢下接電話...@_@)，提我下晝我地要趕返香港結婚呀!!!! 於是...交換完波衫，鏡頭一轉就到左一個類似香港文化中心的地方，而琳琳就換上左婚紗!!!（真係好靚架，那種美還仍然歷歷在目呢!!!!!)　我地交換左戒子(係我地訂左果對呀 ;) )，我在妳的臉上輕輕的吻了一下 :$ 妳當時笑得很甜很甜很甜很甜呢，那一刻我真的覺得我就是這個世界上最幸福的人了。

突然間...電話響起...一睇原來係鬧鐘...7:15a.m.了...又要回到現實了...一陣莫名的失落感湧上心頭 :( 係時候起身換衫返工了...我決定，係我地既大好日子，我會熄左我個電話 !!!!!!!!!!

It has been a quiet day

岩岩食完一個Quick Lunch，今日無Call Out，所以成個上晝都係留係公司做一些In-house work。呢兩日的天氣很反覆呢，有時陽光普照，但轉個頭又落晒雹咁，十足強戰世界Feel。

琴晚好凍呢...好在可以成晚都攬住琳琳訓，很Sweet呢 ;) 係一個星期我入面我最唔鐘意就係Tuesday，一來因為Tuesday仲係屬於一個星期的前半，感覺上就好似有排先到Weekend咁 (Ha Ha，係Beginning of the Week就已經期待Weekend的來臨，真係無得救了:P)...二來隔個Week既Wednesday會有公司的Service Meeting，於是多數Tuesday Night都唔訓得好多(好懶呀!!!)...不過其實最主要係...琳琳係會返自己屋企訓，所以同常要到Wednesday Night先至會再見到佢(超過24Hrs 無得見呀陰公...)

琳琳: Hey Love, how's your day been ?

呢幅相係o係返工途中影的，其實當係好天的時間，紐西蘭真係好靚的 :)

睡魔正在呼喚我.....

好眼訓呀.....好想可以攬住琳琳訓覺......

拍拖十八個月紀念日快樂 :)

唔經唔覺，我和琳琳已經走到第十八個月了，時間真係過得好快好快呢。諗返起都覺得很神奇，很多時感覺上就好似我地只不過係開始左無耐咁，但其實認真諗諗，原來十八個月確實是一段不短的日子呢...想跟妳說的，昨晚在MSN都說了 :) 琳琳，我真的很感激妳帶給我的一切，我會永遠珍惜的。

琴晚去了琳琳的屋企Dinner，一如以往，吃了一頓很豐富的晚餐。琳琳的Daddy 媽咪都很錫我呢 :) Hee Hee, 覺得很Warm呢 ~~~

今個Weekend我們的爹dee媽咪將會第一次正式見面，有d緊張添 ~~~~ 對於我來說這將會是一次新的體驗，但我相信他們都可以很融洽地相處的 ;)

男子組 - 給我所有的好朋友

一二三四　兄弟打氣

中環人收工除呔　黑皮鞋收埋
穿新出經典復刻　七零年波鞋
湊夠腳約吓老友　踢吓波冇壞
細個嘅老友到晒　個個都肚腩大

新波衫波砵皮球衝出球場拉柴
心情如小孩　仲扮活潑通山嗌
波友一黐埋　吹水懶灰諧
三張幾通處派　佢大力射咗出界

身邊靚女走晒　我額頭禿鬼晒
仲廿歲仔咩　o徙氣
你係咪要想死　想死你都有排

車樓我點供晒　一身屁股的債
仲扮眼濕濕　扮晒o翕耷
但係我都冇錢　點借錢你還欠債

老友咪嘆氣　我點幫你　baby　
振振兩臂　拍拍背肌　
打氣　baby　力要谷起　
想當天可以孩子氣　未要孭飛　
今天爭爭氣男子組靠你

死仔　嚟埋堆啦埋
死佬　玩得起玩埋
死仔包　爭乜鬼金牌
一齊　跑唔完都跑埋

小球場　一班耆英　跑全場死捱
筲箕灣施丹大坑碧咸狂打柴
踢兩嘢個個斷氣　個個煙癮大
老友記老過魯爾　對腳應砌去賣

呢班波　當打時期　攞小型球金牌
呢場全挽鞋　大啖白泡嘔得快
口水都乾埋　踩波車拗柴
乜筋都抽過晒　佢淨係打winning快

啤酒兩jar隊晒　身紀有得好快
係咪要修身　減肥
食藥再搣脂　姿整過小女孩

翻工我翻足晒　我份人工減晒
又未到炒得　未算死得　就算炒
最多早退休　暢遊世界

細個大家執波很快
個個大把瀟灑走上街
球場維記　行行企企
平台瞓覺　魚翅我食到飽晒

要買合金爸爸即買
細個話之當街小個解
童年時你　童年時我
聯羣結拜　成個世界我玩晒

老友咪放棄　放都o徙氣　baby
振振兩臂　拍拍背肌
打氣　baby　用腦谷起
一班啤酒肚在喘氣　大曬腹肌
波波交俾你男子組靠你

老友我撐你　我梗幫你　baby
振振兩臂　拍拍背肌
打氣　baby　射到飛起
今天點可以話之理　仲放飛機
爭番一口氣男子組靠你

婚戒曝光 !!!!

忘記行了多少間珠寶手飾店，亦忘了比較過多少不同的款式…最後我倆都一致決定，選擇這一對戒子為我們的婚戒。





當我們在挑選婚戒的時候，都有一個共識就是大家都希望找一些比較簡單的款式…但簡單得來，又希望可以有些獨特之處。可是，當每次懷著期待的心情走入Jewellery Shop¸都是失望地走返出來…第一次看見這對婚戒是在回港後的第4天，其實當時就已經覺得這對婚戒很不錯…本身的設計雖然很簡單，卻可以在戒子內外刻上自己喜歡的字句，因而變成世上一對獨一無二的戒子。我覺得這對戒子真係好靚呀，亦都很有意義，我和老婆仔都很滿意呢 : ) 真係很希望可以快d將隻戒子帶在琳琳左手的無名指上呀 :$

P.S. 唔知大家覺得對戒子靚唔靚呢 ?(Click 圖可放大)

起身啦 ~~~

琴晚發惡夢呀 >_< 不過我諗小天使唔會好似係夢入面咁衰的!!! Hee hee, 琴晚成晚都黐住佢，好sweet呀 :$

呀......個Weekend就過啦 >_< 跟住又係一個 week 既開始.... 點解個Weekend過得咁快既...唔制呀......我地唔夠時間一齊呀......

要郁身了，一陣會同Mum去飲茶 :)

P.S. "Listen to each other" ~~ 我會聽晒妳話的 :)